|
بلاقا گؤره یولداش لار سایغاج 
عربلی تورکجه طنز شعیرلر جمعه 7 آبان 1395 :: نويسنده : فتح اله پناهی عربلی
 +0 به یه ن
سئچگی سئچگی موسمی دیر بو مملکت ده هره فیکیرلشیر بیر وکیل سئچه کیمی واری کیمی بیلیگی کیمی تانیشی اوره کده دوشونور سئچیمه بو گون منیم سه اوره ییم سنی دوشونور عومورلوک وکیل اوره ک شهرینه قانیملا آدینی یازیر اوزونه بوتون وارلیغیمین وکیلی اولدون ایندی خوشباختلیغیم سنین الینده یازدیغین یاسالارا باش ایمه لییم وکیلیم وکیلیم عربلی  گؤنده ر
بؤلوم : وطن جمعه 7 آبان 1395 :: نويسنده : فتح اله پناهی عربلی
+0 به یه ن
اینسانی دییللر اولور عاقیل قوجالیقدا آخماقلارین آخماقی منی بیل قوجالیقدا قیرخ اوچ ایلی سالدیم یولا هی مدرسه لرده اولدوم یئنی دن بیرده محصصیل قوجالیقدا آرام اولا بیلمه چوبالا صندلین ایسته بیرده او اوشاق رسمینه چئوریل قوجالیقدا فیکر ایله مه دیم بو شهرینده قیشی واردی گل ایندی خانیم اوست باشیمی سیل قوجالیقدا قاریاغمادا واردیر دونین اویناماغیندا آغزین دولوسی سن منه بیر گول قوجالیقدا اوستادی بیرآن دییله مدن شعریمی یازدیم نیلیم کی بئکار قالمادی بو دیل قوجالیقدا عربلی
گؤنده ر
بؤلوم : وطن پنجشنبه 6 آبان 1395 :: نويسنده : فتح اله پناهی عربلی
+0 به یه ن
مارال بیر خزل آیی نین ایلک گونون ده پاییز تزه ایاق باسیردی یولا ائل اوبا آیلاردی یولون گوزلیین ایشیقلی عالمه گلدی بیر بالا یئتمیش سگگیزده کی قم پاییزیدی یئنی جه دوغولان گوزل قیزیدی آتایا آنا یا او بیر تازیدی هامی وئردی قرار آدین مارالا دونیا یاشیللیغا داراولمامیشدی هله بیر یارپاخدا سارالمامیشدی باغبانین صبیری قارالمامیشدی پاییز چیخمامیشدی بیر کوسا کولا بویودوکجه درده، کدره دولدو صبر و قرارینی الیندن آلدی بو قیز اله واخت سیز وده سیز سولدو توتولموش خزانا سانکی بیر لالا بو ایل یاشین اون سگگیزه یئتیردی بو دونیایا اوزیله قم گتیردی ایلک عشقینی، سئوگیلینی ایتیردی فلکین الیندن قالدی بو حالا آرزیم بودور گلجگی خوش اولسون قوجالسین ،قاریسین یوز یاشا دولسون بیرده بو دونیادان اوز کامین آلسین اولو تانری هرآن یادینا سالا عربلی
گؤنده ر
بؤلوم : وطن سه شنبه 4 آبان 1395 :: نويسنده : فتح اله پناهی عربلی
+0 به یه ن
مسئوللاریمیز اوینادیر خالقی یامان بوردا بو مسئوللاریمیز یاوا آلمیش الینه مضرابی مسئوللاریمیز یوخسولون قارداشیم البته یانان یوخ حالینا بیرجه هئی راضی سالار اربابی مسئوللاریمیز بیر نفر برک دانیشاندا ال آتار تلفونونا چاغیرار ماموری چون یوخ تابی مسئوللاریمیز فیسقیرار اسپری سین لاب یازیغین گوزلرینه یادا چیرپار باشینا کول قابی مسئوللاریمیز اعتبار آلماغا قورخور گده الدن مقامی یاپیشان چوخدو بو میزدن نابی مسئوللاریمیز تک بیزیم شهریده یوخ اوستاناجاق لاب بئله دیر فرقی یوخدور اولار اولسون یابی مسئوللاریمیز بوغدا یئرده گوورن واختی زکاتدان دانیشار آخی یکسر حاجی دیر یا کابی مسئوللاریمیز اله کی ویردی دولو باتدی بو خالقین اکینی چکه جک تئز باشینا چارشابی مسئوللاریمیز دیکسینر اوسته وزیر قویما یاییلسین خبری ایسته مز چون پوزولا اعصابی مسئوللاریمیز گولسه طالع اوزونه شهرین اگر بیر واختلار بالیغا ساللایاجاق قوللابی مسئوللاریمیز بولمه یه یاخجی شئی اولسا چاغیریب اطرافی نی اوزده جوت جوت چکه جک بشقابی مسئوللاریمیز بیر ساعات باغلار اذان دان قاباغا دفترینی نئجه بوش قویسون آخی محرابی مسئوللاریمیز واردی محشر صاباحا جنته یول آختاریر او خالفا باخسا تاپابیلمز بابی مسئوللاریمیز بوشلا سا واجباتی دینله سه بو دردلی لری به جهنم ده ایچر چیرکابی مسئوللاریمیز ایسته مه سن بئله حتی شاخی سا گون باشیوا آخی پیغمبرین اوز اصحابی مسئوللاریمیز آغا سید حاج آغا عالمه سرداردی بولار سانما رستم دی یادا سهرابی مسئوللاریمیز وئردیین بیر سسه خاطیر وکیلی چوخ قیناما چون وئریب دیر اونا بو القابی مسئوللاریمیز دورد جه ایلدن سورا بوردا یئنه سئچگی اولاجاق وکیلین اولمالی دیر اوز بابی مسئوللاریمیز عربلی گؤنده ر
بؤلوم : وطن سه شنبه 4 آبان 1395 :: نويسنده : فتح اله پناهی عربلی
+0 به یه ن
منیم دردیم دوغولدوم ،بیر ائوین مارالی اولدوم قیزجیغاز چاغیندان یارالی اولدوم آنا سئوگی سیندن آرالی اولدوم ترسینه یازیلدی قدریم منیم دییللر قیزی دی آنانین نازی هورر ساچلارینی گونده ان آزی بیر آن اوخشامادی روحومو سازی یاندیرار عالمی شرریم منیم بو نئجه اوره ک دی؟ نئجه آنادی؟ محبت یئرینه گونده قینادی اوچاغان آرزیمین سیندی قانادی ندن آلچاق اولدو چپریم منیم؟ کیمسه یوخ سوروشا بو آهیم نه دی بیلمه دیم حیاتدا گوناهیم نه دی بلکه سن دییه سن اللهیم ،ندی گون به گون چوخالیر کدریم منیم دئمیرم ملکم، یادا اولدوزام باشقا قیزلار کیمی منده بیر قیزام آنام اولا اولا ائوده یالقیزام هارا اولمالی دی سفریم منیم؟ اوره ییم چیرپینیر، تیتره ییر دوداق گزیر هئی جانیمی قم بوداق بوداق دوزدو گلیب گئدیر نفسیم، آنجاق قالیب دی بیر سوموک، بیر دریم منیم کدردن، غصه دن اوره ییم چارپاز هر گون آغلاماقدان گوز یاشیم آراز یاشاما اومودوم آتادی بیرآز بودو چیخمیر اولوم خبریم منیم عربلی
گؤنده ر
بؤلوم : وطن شنبه 1 آبان 1395 :: نويسنده : فتح اله پناهی عربلی
+0 به یه ن
قارا چادرالی قیز تمیز اوره کده نیتی واردی حایاسی عصمتی ائلده قازاندی حورمتی آی بو قارا چادرالی قیز ایتیرمییب ائلین دبین بیرده گوستریب ادبین اولوب مریدی زینبین آی بو قارا چادرالی قیز گوزلرینین شن باخیشی اولماسین هئچ یاش آخیشی دوروشوغو جئیران ناخیشی آی بو قارا چادرالی قیز لاله یه بنزر یاناغی آغیز فیندیق گول دوداغی ائوین ایشیقلی چیراغی آی بو قارا چادرالی قیز آی دان آیدین، سودان دورو تبسم له دولو سورو اوزونده اللهین نورو آی بو قارا چادرالی قیز گوزللیگی جانلار آلیر گوره نلر حیرتده قالیر ملک لری یادا سالیر آی بو قارا چادرالی قیز ادبلی اولموش هرزامان محبت کانی دی اینان کیپریگی اوخ قاشی کامان آی بو قارا چادرالی قیز گوزل طلعتی، جمالی معرفتی هم کمالی حاقاطرف سالیب یولو آی بو قارا چادرالی قیز گوزل ساخلئیب عفتین اولان ناموسین، غئیرتین قایناغی دی معرفتین آی بو قارا چادرالی قیز هرآن بئله عومور سورسون بوندان گوزل گونلر گورسون گوروم خوشباخت حایات قوروسون آی بو قارا چادرالی قیز عربلی گؤنده ر
بؤلوم : وطن شنبه 1 آبان 1395 :: نويسنده : فتح اله پناهی عربلی
+0 به یه ن
گوزده قالان آرزیلار بیر دونیا باخ درد دی بو سئوگی دن حسرت دی بو اصیل محبت دی بو گوزده قالان آرزیلار سئودا نتیجه سی دی هارایی دی، سسی دی بیر عومورلوک بسی دی گوزده قالان آرزیلار فلک آییردی یاری قویمادی اولسون باری بیر درد دی یوخ اوخشاری گوزده قالان آرزیلار یاز چاغیندا سارالدی خیالدا دوندو قالدی آنادان اولما لال دی گوزده قالان آرزیلار بیردن بیره هئچ اولدو بیر آغارمیش ساچ اولدو ندن بئله پوچ اولدو؟ گوزده قالان آرزیلار عربلی
گؤنده ر
بؤلوم : وطن جمعه 30 مهر 1395 :: نويسنده : فتح اله پناهی عربلی
+0 به یه ن
تلگرام آی الله گور نه لر وار تلگرامدا هم آغلار هم گولر وار تلگرامدا گئجه یارسی دولانسان پی وی لرده عجایب فتنه لر وار تلگرامدا محمد امتی یکسر اویاقدی دین اهلی شیعه لر وار تلگرامدا قیلیر لارشوقیله جوت جوت عبادت سئویملی بنده لر وار تلگرامدا هامی عاشیق هامی شیدادی بوردا آچیلمیش دویمه لر وار تلگرامدا قاناد یاندیرسادا شمعین جفاسی جسور پروانه لر وار تلگرامدا یاشین معناسی یوخدو بو حضوردا سود امر کورپه لر وار تلگرامدا گئجه دوشدو ایکی دوستون داواسی صاباح گورنه خبر وار تلگرامدا اوبوندان سوز بودا اوندان یازیبدی نئجه بی جنبه لر وار تلگرامدا او گیزلی گیزلی یازماقلار بیلیندی نه پیس پیس طعنه لر وار تلگرامدا مودورلر هئی یازیر پی وی یاساقدی باخان یوخدو گلر وار تلگرامدا حاجی قوربان کسیر حاققا مناده صفا و مروه لر وار تلگرامدا یوخو یوخ صوبحه جن باخ یولدا گوزلر بو هیجراندان مه لر وار تلگرامدا قیصیر ماللار دوزولموش دسته دسته بوریلمیش جونگه لر تلگرامدا آلا قارغا بویاقلا بولبول اولموش آخی تر غونچه لر وار تلگرامدا آی الله دای دئمکدن من یورولدوم اوزون باخ گور نه لر وار تلگرامدا عربلی
گؤنده ر
بؤلوم : وطن |
||
باغلانتی لار
سون یازیلار
آرشیو
|
||