|
بلاقا گؤره یولداش لار سایغاج 
عربلی تورکجه طنز شعیرلر شنبه 23 بهمن 1395 :: نويسنده : فتح اله پناهی عربلی
 +0 به یه ن
منطقه آزاد دوشدو خبر شهریمیز آباد اولدو چونکی داها منطقه آزاد اولدو هانسی قولاق دویدو فوری شاد اولدو سئوین دیلر جومله پارساباددیلار آی نئجه گور میللتی اویناددیلار جماعت آل وئرچی اولدو یکسره بیر هفته لیک قیزیشدیلار آل وئره نقد الییب هرزادی وئردی یئره بیر یالانا چوخ زیانا باتدیلار آی نئجه گور میللتی اویناددیلار ماشین ساتیب بوردا تورپاخ آلان کیم گور آراز اوستونده کورپو سالان کیم سانتافا فیکرینده اویاخ قالان کیم خوش دانیشیب هرکسی آلداتدیلار آی نئجه گور میللتی اویناتدیلار آسدی وکیل عکسینی مئیدانلارا یازدی داها دردیزه تاپدیم چارا جیب لره بول بول گیره جک پول پارا آد قازانیب ایسته گینه چاتدیلار آی نئجه گور میللتی اویناددیلار بیرجه وئردی فرصتی دللال لارا اولدو سبب اود چیله دی بازارا قامیشلیغین قیمتی چیخدی هارا اون تومنی یوز تومنه ساتدیلار آی نئجه گور میللتی اویناددیلار سالدی خبر اردبیلی تشویشه باشلادی مسئوللاری فورا ایشه قویمادیلار موغاندا دونسون کیشه بیزیم کی لر ائوده یئییب یاتدیرار آی نئجه گور میللتی اویناددیلار نطقی باتدی بورداکی مسئوللارین نماینده هم ده کی فرماندارین اولمادی عکس العملی بونلارین باخ بو یازیق خالقی باشدان آتدیلار آی نئجه گور میللتی اویناددیلار والیمیزده چکدی قلم ویجدانا دسته توفاق دوشدو یولا تهرانا اوردا گئدیب عرضه یازدی تورکانا گویول گوروب دن لرینی دارتدیلاز آی نئجه گور میللتی اویناددیلار عادت اولوب دیر بیرینجی بار دئییل چون داها سیرتیقلاشیب دی عار دئییل بیر نفر اولسون دا طلبکار دئییل هرزامان هر طرحی بئله قاتدیلار آی نئجه گور میللتی اویناددیلار باشیمیزا هئی دولو تک یاغدیلار ساغمال اینک دیر موغانی ساغدیلار دیلله له نی پست لا،گوجله بوغدیلار سو لیلله دیب چایدا بالیخ توتدیلار آی نئجه گور میللتی اویناددیلار چرم موغان گئتدی قاتار دا گئتدی صنعتی ساللاخ خانا لاردا گئتدی تاپمادی ایش بوردا بئکاردا گئتدی سیلکه سیلکه پنجگینی ییرتدیلار آی نئجه گور میللتی اویناددیلار عربلی
 گؤنده ر
بؤلوم : وطن شنبه 23 بهمن 1395 :: نويسنده : فتح اله پناهی عربلی
+0 به یه ن
آلچالیر اوجالیر شهرده هرگون بینالار اینسانلیق آلچالیر، اینسان آلچالیر نه حاق یئرین تاپیر نه ده عدالت حقیقت دانیلیر ویجدان آلچالیر آداملار یولونو آزیب چاشیللار ایلقار دان، ایماندان اوزاقلاشیللار تاپیشیب شیطانلا قوجاقلاشیللار تاخجادا توز باسیر قورآن آلچالیر بئله بیر دونیانی گلسین لعنته گئتدیکجه اینسانی چکیر ذیللته وئریملر باغلی دیر ایندی میننته گووندیگی دوست دان، اومان آلچالیر آغلایان چوخالیر، گولن آزالیر دردلی لر دردینی بیلن آزالیر یئتیم لر یاشینی سیلن آزالیر تاپیلمیر دردینه درمان آلچالیر آنلایان بوغولور درد،قم ایچینده صوب ،آخشام گوزلری تر نم ایچینده سانکی بنووشه دیرشبنم ایچینده قانماز قانادلانیر، قانان آلچالیر عربلی
گؤنده ر
بؤلوم : وطن شنبه 23 بهمن 1395 :: نويسنده : فتح اله پناهی عربلی
+0 به یه ن
من و سن من بیر ....... سئوگی دن قان اولموش اوره ک یییه سی گئجه لر یالقیزام و یاتاغیم؛ کدرین، قمین اولومجول قیناغیندان قازیلان بیر درین قویو بو دیب سیز قویونون گوز یاشیم سویو و سن. .... گئجه لر سمادان ساللانیب ماوی دنیز ده اوینایان بیر آی یاتاغا گیرجه یین خیالیمین باجاسیندان ساللانیب. گوز یاشیمدا اویناییرسان اوزانیر اللریم توتماغا سنی هر دفه باختیمدان بوشا چیخیللار آرزیلار، اومودلارداشا چیخیللار بوش اللرسارینیر قوینوما یئنه سنسیزلیک سئوگی دن پاییما دوشور یئنه ده یالقیز قالیرام عربلی
گؤنده ر
بؤلوم : وطن شنبه 23 بهمن 1395 :: نويسنده : فتح اله پناهی عربلی
+0 به یه ن
چیخماسین بو دونیادا یاخجی حایات قورماغا چالیش قاباغینا چاشی چیخماسین دادلی خوره ک پیشیرمه یی باجارسین بشقابینا خشیل آشی چیخماسین بیر نظر سال ده ده بابا دبینه پیس زاماندی ایلیشمه چوخ کبینه قاریشماسین گلیرینه جیبینه حاق حسابدان چوخدا باشی چیخماسین گوونمه سین طایفاسینا، اوزونه کیملیینی سوخماسین هئی گوزونه یئرسیز اولوب باخمایاندا سوزونه اتگیندن یئکه داشی چیخماسین دیشی باتیب ایشی اله آلماسین آلیب سنی کیشی لیکدن سالماسین رنگ و روحون سارالماسین سولماسین گوزلرینین درده یاشی چیخماسین عربلی
گؤنده ر
بؤلوم : وطن شنبه 23 بهمن 1395 :: نويسنده : فتح اله پناهی عربلی
+0 به یه ن
گئجه ن خوش خوش گئجه لر دییب گئتمک ایسته دین سنسیز نئجه گئجه لریم خوش اولسون؟ گوزلریمین قاباغیندا یاتاغین گئجه لری صوبحه قدر بوش اولسون بیربیر اوتن خاطیره لر چاغلایام آه وای ائدیب اوره ییمی داغلایام یالقیزلیقدان ظولوم ظولوم آغلایام بو سئودالی گوزلریمده یاش اولسون .یوخلوقوندا بو دورت دووار اوتاغا هر بیر یاندان درد توکوله درد یاغا ایاغ توتا یئری یه بوش یاتاغا گئجه لری قم منه یولداش اولسون هیجران اودو اوره ییمه ساریلیب باغلادیغیم بیرجه اومود قیریلیب آرزیلاریم چین اولمامیش یورولیب اوره ییمده بیر قانادسیز قوش اولسون عربلی
گؤنده ر
بؤلوم : وطن شنبه 23 بهمن 1395 :: نويسنده : فتح اله پناهی عربلی
+0 به یه ن
شیطان بیر گون اولدو دانلادیلار شیطانی سن نه اوچون ترک اله دین ایرانی؟ بیلیرسن کی اصیل موسلمان دیلار بیرجه بیرجه تابع قرآن دیلار اوز گتیریب شرعی یولا هاممیسی باغلیدیلار بش اصولا هاممیسی شیعه دیلر اهل امامت دیلر هر زامان هم خط ولایت دیلر گورورسن کی گلدی محررم آیی بو میللتین ماتم آیی، قم آیی سئل کیمی هریاندا توکوللر یاشی عاشیق اولوب حتی یاریللار باشی تاپیللار اون گونده حسینین یولون کربلایا گئدیللر ایاخ یالین سن نییه بس وئردین الدن اوساری؟ یولوندان کیم آزدیراجاق بونلاری؟ شیطان اشیتدی بو سوزو چکدی آه سویله دی البته یوخوم دیر گوناه من اویره تدیم اوردا رشوه آلماغی اوغورلوقو، اختلاسی، چالماغی پولدان اوترو آخیرتدن گئچمه گی سوزلرینده یالاندان آند ایچمه گی ویردیلار هم افترانی، بوهتانی قویدولار حیرتده بوتون دونیانی چاتدی هارا اللری تئز چالدیلار ویلا، توکان، اعلا ماشین آلدیلار بعضی ده لاب تیکدی بویوک کارخانا ایری لیگی گلمه دی اصلا سانا من اله دیم اونلارا بو خدمتی امما اولار سایدی تانری رحمتی دی اوغرو اولوب مملکتی سویدولار آدین دا من فضل ربی قویدولار هئچ نظره آلینمادی زحمتیم سانکی کئچمه دی بو قدر خدمتیم دوزو یئییب دوز قابینی قیردیلار سالمادیلار هئچ یادا یاندیردیلار یانا یانا گوزلریمی یاشلادیم او میللتی اوز باشینا بوشلادیم عربلی
گؤنده ر
بؤلوم : وطن سه شنبه 28 دی 1395 :: نويسنده : فتح اله پناهی عربلی
+0 به یه ن
آی قیز قوربان اولوم گوزلرینه بالدان شیرین سوزلرینه ایاق قویوب ایزلرینه گلیب سوراخلارام سنی آی قیز اوزون گوزل گولسن طوطی کیمی شیرین دیلسن باغبان اولوب بونو بیل سن گیزلین اوراخلارام سنی الینده بیر سازیندا وار گول چیچکلی یازیندا وار عشوه ن ده وار،نازیندا وار هرآن ماراخلارام سنی ملک سن حوری سن نه سن ؟ اولما بئله اومود کسن ویجدان حاققی بیر هه دئسن بوگون آداخلارام سنی گوزلییرم گولوم جاواب اوره ییمی قیلما کاباب سن بیر اوخونمامیش کتاب تامام واراقلارام سنی ساچلارینی آلیب اله هوروب اونو گوله گوله آچیب توکنده سن یئله گولوم داراقلارام سنی آلیر جانی قارا تئلین وئر الیمه او گول الین گلسن اگر بیزه گلین گوز اوسته ساخلارام سنی عربلی
گؤنده ر
بؤلوم : وطن سه شنبه 28 دی 1395 :: نويسنده : فتح اله پناهی عربلی
+0 به یه ن
ماشینلارین فرقی آی جاماعات بیر دئییل هئچ ماشینلار اونلاریندا بیر بیریله فرقی وار اورنک اوچون پورشه ایله پرایدین تفاوتین قیلیم ایندی جه آیدین هرزامان کی پرایدا اولدون سوار بیر نظر ائت دوور بره گور نه وار عزراییل دی بو ایله شن یانیندا قالیب فیکری بیرجه سنین جانیندا داها بو دونیادان قارداش اوز الین چون اوخویور آیریلیقین غزلین گلیب دی او آلماغا جان، گئدیرسن حالاللیق آل بو دونیادان گئدیرسن پورشه ده یانیندا حوری ایله شیر اوزونده گونشین نوری ایله شیر گوزللیکده گوزللرین گوزلی هئی اوخویور سنه سئوگی غزلی یاواش یاواش عشوه له نیر نازلانیر ماشیندا کی اوز اوزونه گازلانیر جان آلمیر او لاپ دا سنه جان وئریر محبت له حیاتا ایمکان وئریر روحلاندیریر بئله یولداشین سنی نه یول یورور والله نه ماشین سنی عربلی
گؤنده ر
بؤلوم : وطن سه شنبه 28 دی 1395 :: نويسنده : فتح اله پناهی عربلی
+0 به یه ن
سیچان ائوله نیردی بیر مئشه نین سولطانی آدلی سانلی هم ده گوجلو آسلانی چاغیردی آسلان بوتون حیوانلاری گلیب بو توی دا دورولا قانلاری هر طرفدن دسته دسته گلدیلر یاواش یاواش تویدا دئییب گولدولر یئییب، ایچیب چالدیلار اویناشدیلار راحات راحات هر یئره قایناشدیلار واریدی او جمع ایچینده بیر سیچان آتدی تیکه آسلانا باخدی هاچان آخیردا بیردن بوغازین دیکله دی قارداش دئییب آسلانی تبریک له دی گوروم گوزل تویون موبارک اولسون حایاتدا اوره یین سئوینجه دولسون قارداش سنی دهریده خوشباخت یاشا اوز گول اوزلو یارینلا قاری قوشا توی بئی ده باشقا بیر آسلانیدی مجلسه او سانکی نگهبانیدی اشید جه یین گلدی اونون یانینا ولوله سالدی او کیچیک جانینا چکمه دی بیر ثانیه گلدی چاتدی تئز سیچانین بوغازینا ال آتدی سویله دی گور سن هارا آسلان هارا؟ ایندی چکیم من سنی بوردا دارا؟ آی بالا آخماق بو دییل باخ جانین؟ ایستییرسن بوردا توکوم من قانین؟ سیچان دئدی مینمه تئز جین آتینا بلی ایندی چاتمارام هئچ قاتینا امما بیر گون منده بیرآسلانیدیم مئشه لیکده سولطانیدیم ،خانیدیم گوج واریدی سیزین کیمی قولومدا کیمسه دورا بیلمه زیدی یولومدا حوکمداریدیم بالا حوکموم روا ائوله نیب اولدوم بئله بیر بینوا هرنه واریدی الیمدن آلدیلا منی بوجور یامان گونه سالدیلار تاپدی یامان بیر آفی نامرد منی سیخدی بئله غصه منی، درد منی چون اری دی گون به گون حایاتدا جان بیرده گوردوم قارداش اولموشام سیچان عربلی
گؤنده ر
بؤلوم : وطن جمعه 10 دی 1395 :: نويسنده : فتح اله پناهی عربلی
+0 به یه ن
دئییشمه (عربلی ومهسا) نه گلیر ایشیقین نده چراغین سویله ندن سولوب باهارین باغین؟ گرک هران من چکم سنین داغین؟ بیرسلام یاز اورگیمی شاد ائله کونلوم سنسیز ویراندی اباد ائله مهسا کونول سالیب سنه مهسا ماراغی گورمه دین هئچ بو ایشیقلی چیراغی بارماقلاریم ساچلارینین داراغی سن ده منی هردن بیرآز یاد ائله اوره ییمی غصه دن آزاد ائله عربلی منده وفاواردی امماسنده یوخ اینان وفالیام هران چوخدی چوخ بیلیردیم کی سن کی اولدون قارنی توخ بیلیردیم کی سالارسان منی چوله کونلوم سنسیز ویراندی اباد ائله مهسا قارنیم توخدو ایندی یئدیم چون شامی هله واردی اونون آغیزدا تامی وفادارام بیلیر بونو قیز هامی آختار دوشوب آدیم دیللردن دیله سن تک وفاسیز آخی نئجه بیله عربلی گر اولسایدین یاشدا بیرآز جا تاییم اولاردی سنه چوخ سئوگی دن پاییم سن جاهیل من آهیل نئجه اویناییم جان آلیرسان ایندی باخ گوله گوله عشوه ساتیرسان بو قوجا بولبوله عربلی ندن باشقا سئوگی لره یانیرسان ؟ ندن منی یالقیز سانیب دانیرسان ؟ ندن گوزللره همدم اولورسان؟ ندن گوزیاشیمی چئوردین سئله؟ ندن اخیرمنی گتیردین دیله؟ مهسا من نئیلییم سئوگی اوره ک ایشی دی باخماز اصلا بو ارکک دی دیشی دی گوزللیگی سئون اصیل کیشی دی سن شاعیرسن سئوگی نی بیله بیله سورغولارری ندن گتیردین دیله عربلی نه یاز گلیر نده چیچکلی باهار نه صبریم وار نه قراریم نه ده یار گئجه لر چکیرم بوتون اه و زار ساتدین منی اوزومه گوله گوله گئد گوزلیم باشقاسینی شاد ائله مهسا نه باهاری گول چیچکلی یاز اوزون عشوه اوزون غمزه اوزون ناز اوزون یار و قرار تاپمالیسان قیز اوزون چونکی زامان ایندی بئله دی بئله چالیش مهسا سن کونلووو شاد ائله عربلی بوسئوگی دن گورمدیم هچ بیر وفا گئجه گوندوز هران چکیرم جفا گوچورم دونیادان اومود آللاها ترک جهان ائدیرم بیله بیله شادقال شادیاشا هران گوله گوله مهسا تلسمه قیز گلجه یین وار هله تانری سنه یئتیرجک یار هله اله نه جک اوره یینه قار هله آغلاما چوخ قاش گوزونو سورمه له یار قوینوندا جانین اله دینجله عربلی گلمه بیرداهادا مزاریم اوسته گتیمه خوش گوللری دسته دسته وصییتیم بودور .. آی بویی بسته باشقاسینین گوزلرینی سورمله کونلوم ایستر مزاردابیردینجله مهسا نه لر چیخیر قیز سنین دوداغیندان مزاردان یوخ دانیش توی اوتاغیندان محبت له قورولموش یاتاغیندان گلین اولوب بئ له توتون ال اله هردن اونو زارافاتا سیلکه له عربلی
گؤنده ر
بؤلوم : وطن |
||
باغلانتی لار
سون یازیلار
آرشیو
|
||