|
بلاقا گؤره یولداش لار سایغاج 
عربلی تورکجه طنز شعیرلر دوشنبه 1 تیر 1394 :: نويسنده : فتح اله پناهی عربلی
 +0 به یه ن
رمضان
آی لارین شاهی جاهاندا رمضان دیر رمضان بللی دیر وصفی قورآندا رمضان دیر رمضان بیل او گونلر کی موسلمان اولور الله قوناغی آشکارا و نهاندا رمضان دیر رمضان بئله دیر حیکمتی بیز آجلیغی احساس ائلییک آجا هر آن دا مکاندا رمضان دیر رمضان هامی یا اولسا بیر آی ایلده اوروجلوق زامانی منه هر گون بو زاماندا رمضان دیر رمضان تو تورام داییمی ایفطارسیز اوباشدان سیز اوروج ائله هر لحظه هر آن دا رمضان دیر رمضان اللریم اولسا قاباردا قارینا یوخ ثمری گر توان اولمادی جاندا رمضان دیر رمضان وارلی اولسا اوروج آنجاق کولر آلتیندا یاتیر بولوک ائوده اوزاناندارمضان دیر رمضان رنگسیز سوفره میزین شیرنی سی یوخ فیرنی سی یوخ دایانیب دوزلا سوغاندا رمضان دیر رمضان قالانیب تاخجادا اوست اوسته ائوین قیض لری پولونو یاده سالاندارمضان دیر رمضان قیر ماغا یوخدو گوجوم سوفره ده بو گون سومونو شوربامیز اتسیز اولاندارمضان دیر رمضان هر زامان دوشدو یولوم بیرده اجیرلی طرفه اته حسرت له باخاندا رمضان دیر رمضان بیرجه یارانه آلاندا تو توروق آغ تو یوغو باشقا گونلر بو موغاندا رمضان دیر رمضان نه منیم جیبده پو لوم وار نه ده اینصاف بازارین آج یاتیب آج اویاناندا رمضان دیر رمضان باخیرام تقویمه ایللر بو یو یوخدیر فیطیریم قارا گون لر چوخ اولاندا رمضان دیر رمضان  گؤنده ر
بؤلوم : وطن شنبه 30 خرداد 1394 :: نويسنده : فتح اله پناهی عربلی
+0 به یه ن
کشکه سنین کیمی منده بیر باشا خالقیمین فیکرینی آتا بیلئیدیم بو شاعیر اوره گیم دونئیدی داشا راحات چارپایامدا یاتا بیلئیدیم یازئیدیم هر نه یی بویاقلا دوغرو نه پیس قینایایدیم نه ده بیر اوغرو نه ایشیمه کیمسه نین یاریلدی باغری ظولمکار طرفین توتا بیلئیدیم رزیل بیر حیاتدا قلمه وجدان ترسینه یازماغا وئرئیدی ایمکان نه حاق تانییئیدیم نه ایلقار ایمان یامانی یاخچی یا قاتا بیلئیدیم قارنی آج زاواللی قاراباخت ائلی غم یوکو آلتیندا بوکولموش بئلی بوزنگین کولتورو بو زنگین دیلی دیر دیمه زینه ساتا بیلئیدیم بازاردا آد سانیم ائوده چوره گیم اولئیدی حیاتدا بیرجه گرگیم آغری چکمییئیدی کویرک اوره گیم بوتون آجی لاری اوتا بیلئیدیم اولئیدیم آرخایین یاتانلار کیمی میللی دیرلری آتانلار کیمی ثمرسیز آغاجدا تیکانلار کیمی غملی کونوللره باتا بیلئیدیم یوخ بو آرزیلاریم هئچ چین اولماسین چین اولوب حیاتیم چیرکین اولماسین ایسته رم حالیمین گرگین اولماسین بیرجه ائل دادینا چاتا بیلئیدیم گؤنده ر
بؤلوم : وطن شنبه 16 خرداد 1394 :: نويسنده : فتح اله پناهی عربلی
+0 به یه ن
نه اولور؟
نه واختاندیر سینه م درددن یارادیر هوس یوخ یاشییام مئیلیم گورادیر گونلریمیز بیر بیر یندن قارادیر
قیش سووشوب یاز اولاندا نه اولور؟
اوو ووراندا اولسا یئری گومانین اوره کدن چک چیلله سینی کامانین ترسه ایشی چوخدی دوور زامانین
اوردک اوون قاز اولاندا نه اولور؟
اوزانلار گتیریللر دیله سازی اوخشاییر مجلیسی سسی آوازی دونیا بویو قوروماسین بوغازی
سازدا بیر تئل آز اولاندا نه اولور؟
پیس اولسادا دوورو بردن اینجیمه گئدیب گلیب خیری شردن اینجیمه عشوه ساتان گوزللردن اینجیمه
گوزل اولسون ناز اولاندا نه اولور؟
عاغیللان تانینار هر یئرده کیشی فیکیرسیز هئچ زامان گورمز بیر ایشی چورگی کسمه یه تک اولسون دیشی با ش توکولوب داز اولاندا نه اولور؟ گؤنده ر
بؤلوم : وطن پنجشنبه 14 خرداد 1394 :: نويسنده : فتح اله پناهی عربلی
+0 به یه ن
فایداسیز یاز
قیشین عومرو بیتدی یازاولدو یئنه بستانین چیچکی تاغی چوخالدی طبیعت دئییشدی نه وئردی منه؟
بولبولون گولشنی باغی چوخالدی
قالاندی بیر ایلده یاشیمین اوسته سالدی یول قوجالیق، قاشیمین اوسته سانکی دومان چوکدو باشیمین اوسته
قارا ساچلاریمین آغی چوخالدی
اشیدمه دیم، گوله گوله باغیردی نادان تحقیرینه دوزمک آغیردی
عارسیز آداملارین لاغی چوخالدی
میللتین بو یامان روزگاریندان بایرام گونلرینده آه و زاریندان بوش النن چیخاندا جین بازاریندان
بو کویرک اوره یین داغی چوخالدی
بایرامدا وارلی نین شیریندیر کامی نووروز شنلیگینه یاندیردی شامی یئدی شیرنییاتی ،پوسته بادامی
عیبه جر قارنینین یاغی چوخالدی
یاز ایندی واردادیر، بایرامدا واردا زاواللی یوخسولون بایرامی هاردا؟ یازیق نه واقتاندی قالیبدی داردا
بیر ایلده بد باخلیق چاغی چوخالدی گؤنده ر
بؤلوم : وطن دوشنبه 11 خرداد 1394 :: نويسنده : فتح اله پناهی عربلی
+0 به یه ن
اینترنت سئوگیلیم من سئومه دیم بیرجه سنی کام آلماغا باده ی عشقیله دولموش ساقی دن جام آلماغا ائلچیمی گوندرمه دیم دوستلار گلیب تبریک دییه یا توتام توی شنلیگی ائللردن انعام آلماغا اینجیمه مندن دئییم واضح ووصالین عیللتین ازدواج اولدو بهانه بانک دان وام آلماغا بیل سوبایلیقدا وئریلمیر کیمسه یه مسکن وامی چون کی قانوندا گرکدیر اولی لیک دام آلماغا آلدادا بیللم دئدیم من دولتی بیرده سنی کئچدی بورک اوز باشیما اوچ گونلوک آرام آلماغا بیلمه دیم سیز حیله گر لر تئز سیخارسیز جانیمی چوخ تلسدیم دونیادا عومره سرانجام آلماغا بیر گوناهکارم دئییم شوقیله الان حاضیرم او موبارک اللریندن حکم اعدام آلماغا امما سئوگی بیل کی ایندی وایبرو تانگودادی قلب لر هنگ ایلئییب سئودالی پیغام آلماغا کئچدی او واختلار بوغاز قالدیرسین اوغلان قاز کیمی دیل توتو لسون شرمیدن بیر اذن اقدام آلماغا دوگمه یه بارماق دیرکن اد اولورلار چت روما یوخدور ایندی احتیاج آینا داراخ شام آلماغا هر قدر مانع اولور اولسون آتاسی لیلی نین چوخلو فیلتیر سیندیران وار لذذت تام آلماغا ایندی هر گون فیس ده سئودالی لار آنلاین دیر احتیاج دویمور زامان مجنوندان ایلهام آلماغا باغی بوشلا شیدا بولبول وارد اول اینترنته قوی کامنت یا لایک وور گولدن بو گون کام آلماغا گؤنده ر
بؤلوم : وطن سه شنبه 5 خرداد 1394 :: نويسنده : فتح اله پناهی عربلی
+0 به یه ن
الله الله(1) موشکوله بند اولوب حیات قایداسی رحم ائله سن آماندی الله الله بئله یاشاماقین یوخدو فایداسی زامان یامان زاماندی الله الله
باخمیر اوغول امرینه آتاسی نین یوخدو سانی یئرسیز ایددعاسی نین وار یاماغی چوخلی دار لیباسی نین خالقین ایشی فغاندی الله الله زامان یامان زاماندی الله الله
ایینینه تاخدی یاپیشان کوینه گی ووردی گوزه دودی قارا عینکی ساققیزی آغزیندادی وار چینگی پاتوقی خیاواندی الله الله زامان یامان زاماندی الله الله
دیلله نیرسن اوغول تئز یئییر آغی قیز اویره نیبدیر قوشولوب قاشماغی آرواد اوزوندن گوتوروب یاشماغی زهرلی بیر ایلاندی الله الله زامان یامان زاماندی الله الله
چوخ گورونور آلدیریر اوغلان قاشین قیزدان اوزون لاپ اوزادیبدیر باشین سهو سالیر اینسان باجی سین قارداشین روزگار نه یاماندی الله الله زامان یامان زاماندی الله الله
تمددون سالیبدی بیزی اودلارا توش ائلییبدیر یئنی جه مودلارا عایید اولور هاممی سی آروادلارا ولنتایندی فلاندی الله الله زامان یامان زاماندی الله الله
آغساققالین آزالیبدی سایاسی گئدیب آرادان قیز گلینین حایاسی زمانه دیر بو چاشمانین مایاسی حورمتده پارچالاندی الله الله زامان یامان زاماندی الله الله
پارچا ایپکیئدی یوخئیدی ساتن نه بن تانیردیق نه سبد نه کوپن ایندی گرک مطبخین اولسون اوپن اورکلر دولو قاندی الله الله زامان یامان زاماندی الله الله
درزی لرین چارخی گلئیدی قارا هی یئنی مود چیخاردیر آروادلارا قازاندیقین صرف اولونور پالتارا ایستیرجدی کتاندی الله الله زامان یامان زاماندی الله الله
بازاردا آروادا هرنه توش گلیر پیس اولسادا قونشو آلیب خوش گلیر جیبین دولو اولسا ائوه بوش گلیر آلماساندا طوفاندی الله الله زامان یامان زاماندی الله الله
مجلیسه دست دست آپاریر پالتاری دار بولوزو قالدی بدنده یاری تور جورابدان کوستوروبدی شالواری کیم آبیرا باخاندی الله الله زامان یامان زاماندی الله الله
اوره کده واردیر یوخانین حسرتی یوردو بیزی چی لاواشین نوبتی اوردا دوران خانیملارین صوحبتی قاب قاشیق ایستیکاندی الله الله زامان یامان زاماندی الله الله
آخشام اوستو چیخیر کوچه باشینا گوز قویور اوردان گلن هر ماشینا کیم بیر شئی آلسا داش دوشور باشینا حسادت نه یاماندی الله الله زامان یامان زاماندی الله الله
دوز دانیشار ساعتی بیر زنگیده سوز آزلیغی یوخ یورولماز انگیده قاینه نیله داییم اولار جنگیده هئچ یئره قان سالاندی الله الله زامان یامان زاماندی الله الله
نئجه اولدی کندین او موتال پندیری ایستی چورکلر پیشیرن تندیری پاشا سالیب بوغازلارا کندیری آغزی دولو یاماندی الله الله زامان یامان زاماندی الله الله
کوچ کوچنده قدیم آلیردیق زومار بیلمزیدیک ائوده نه یوخدو نه وار اللی نایلون آلام ایندی زهرمار اوگونو چتین قالاندی الله الله زامان یامان زاماندی الله الله
دیمزیدی دیلیمه نباتی یاغی یئیردیم ساری یاغ گزریریم داغی کولفت اسیردی الیمده زاغ زاغی کیشیلییمده تالاندی الله الله زامان یامان زاماندی الله الله
گؤنده ر
بؤلوم : وطن شنبه 2 خرداد 1394 :: نويسنده : فتح اله پناهی عربلی
+0 به یه ن
وطن
ائله سئودالی دی والله دلی کونلوم وطنه
نه منه وار یئری جانا نه ده بیر داملا سنه
دوغولاندان باشیما سئوداسی دوشموش وطنین
سانکی سئودالی دی بولبول بو جاهاندا چمنه
باغ رضواندی وطن کوثریم عیسی بولاغی
تبریزیم کعبه ی دل مکه نه لازمدی? منه
چیرپینان قلبی ایاق باش قاراداغدیر بو جانین
ده ده قورقود یولودیر بیر ابدی یول وطنه
گئجه گوندوز آرازی سینه سی اوستونده آخان
فخری واردیر موغانین صاحیبی هر شاه سئونه
بسدی آلداتدیغین ای زاهد دیوانه منی
جننتیم بیرجه وطندیر داها وعظ ائتمه منه
یاخچی اولسایدی اونو بوغدیا ساتمازدیر آتان
باخمازام هئچ سیزه حتی منی بوکسز کفنه
گؤنده ر
بؤلوم : جمعه 1 خرداد 1394 :: نويسنده : فتح اله پناهی عربلی
+0 به یه ن
آی اولان عومره اوچون کعبه ی زووار حاجی لار
گور نه لر آشدی سیزین باشیزا پوللار حاجی لار
دئیه سن ایندی سعادت حاجی تک پولدا دئییل
یوخسا قیلمازدی بئله درده گرفتار حاجی لار
داش آتیب شیطانی سیز اونجه قیجیقلاندیردیز
بیلمه دیز دالدان ائدللر سیزه آزار حاجی لار
بو موبارک وصالین تحفه سی واردیر هله چوخ
دوققوز امجک لی قیزی ایرانا یوللار حاجی لار
یاخچی مومن اودی کی جان قویوب ایمان قازانا
اوزونه فخر ائلییر بیر بئله دیندار حاجی لار
حجازین کعبه سی بیر دامدی تیکیب ابراهیم
اوخوساز تاریخی واردیر بونا اقرار حاجی لار
اصلی کعبه تک اوره کدیر یارادیب تانری اوزو
حجرالاسودی دیر سینه ده داغلار حاجی لار
یئتیمین گوز یاشی بوردا ائله زمزم سویودی
سورمادیز حالینی بیر دم نییه ؟ آغلار حاجی لار
تانری وئردی اونو اسماعیلین عطشان حالینا
دکی سیزدن نه گوروب غملی اوشاقلار؟ حاجی لار
یانیب احوالینا بیر باشلارینا چکمه دیز ال
غونچالیقدان چیخا بو قانلی دوداقلار حاجی لار
ائلیمیزده نه قدر گورمه یه واردیر ثاواب ایش
گوز گوررکن هامی سین ایله دیز انکار حاجی لار
ال چکیب ساختا غروردان بیر آز ائنسز آشاغا
گورونر پنجره سیز دیر نئچه داملار حاجی لار
احتیاجدان اوشاقین قویمادیلار مکتبه هئچ
لاب کیچیک یاشدان ائدیبلر ایشه وادار حاجی لار
یایدا قیرمیش آمانین ایستی او بیچاره لرین
قیشدا قیزدیرماز ائوی اودسیز اوجاقلار حاجی لار
خسته لر وار حکیمه گئدمه یه امکان سیزدیر
حصیر اوسته اوزانیب ائوده قالیب زار حاجی لار
فخری بیر آددان اوتور گور نه قدر خرج ائله دیز
اوسته لیک اولدو بونا جاندا سبب کار حاجی لار
بورداسیز یوخسولو قویدیز پولی وئردیز عربه
بو رزیل لیکده دئیین کیمدی گوناهکار حاجی لار؟
امن بیلدیز حجازی سیلمه یه سایسیز گوناهی
بئیم الله بوقدر ظولمو باغیشلار؟ حاجی لار گؤنده ر
بؤلوم : |
||
باغلانتی لار
سون یازیلار
آرشیو
|
||