بلاقا گؤره




بؤلوم لر
یولداش لار
     
سایغاج
rss feed
عربلی
تورکجه طنز شعیرلر
آنا یارپاق       وطن       ایلگی      
شنبه 22 آبان 1395 :: نويسنده : فتح اله پناهی عربلی
+0 به یه ن
قوش قووان


بیر گون ائوده قاریشدی پیس احوالیم 

دئدیم گزیم چولده دئییشسین حالیم 

باشماغی گئیدیم چوله بیر توتدوم اوز 

اوردا بیرآن قوش قووانا دوشدو گوز 

خیالیمدا یاراندی بیر قالماقال 

یاخینلاشیب وئردیم اونا بیر سئوال 

اینجیمه دین بو چولده تک قالمادان ؟

باشقالارین جانینا قورخو سالمادان؟ 

سویله دی من بو ایشلرله چوخ سازام

خوشوم گلیر جماعتی قورخوزام 

وار بو ایشین باخ منه چوخ لذتی 

بوندان اینان دئییشمرم نیتی 

فیکیرله شیب بیرآز سونرا سویله دیم 

قوش قووانا دوزدو، حاقلی سان دئدیم 

سنین کیمی چوخ  بو یولو گتمیشم 

ظالیم اولوب میللتی اینجیتمیشم 

باشقا فیکیر ایله مه سندن باشام 

منده بونون لذتی نی دادمیشام 

سویله دی البته اشتباهداسان 

بو ایش سنه سانماکی اولسون آسان 

کیم ایسته سه من تکی  لذت آلا 

اونون ایچی گرگ کولش دن اولا 

دوزدو منده حاق یولونو آزمیشام 

امما خالقی ساده جه قورخوزموشام 

سنین کیمی خالقا جفا قیلمادیم 

الینده کین زورلا توتوب آلمادیم 

توتمامیشام من بیری نی بوهتانا 

ناحاقلیقدان اوره یی دونسون قانا 

حاق یئییب سن لاب بئله قان ایچیب سن 

عدالت دن هم انصافدان کئچیب سن 

لاپ اینسانلیق اولوب پیس نیتین ده 

باشفالاریندان دی قانین، اتین ده 


عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 22 آبان 1395 :: نويسنده : فتح اله پناهی عربلی
+0 به یه ن
طوطی 


طوطی آلیر  بیر گون آروادین بیری 

آلجاق همین دونور بازاردان گئری 

گونده وئریر طوطیه دن دوش  یئییر 

آغیز  آچاندا اونا هرزه  دییر

بوسوز یامان اینجیدیر او آروادی 

قورخور اری باخ اشیده هرزادی 

کدرله نیر غصه  باغرینی یاریر 

طوطی نی تئز آلدیغینا قایتاریر 

تئز اونا تعریف  ائلییر جریانی 

تربیت ائت بیرآز سن بو حیوانی 

توکانچی چوخ چوخ بو ایشی پیسلییر 

تربیته بیر هفته واخت ایستییر 

بیر هفته دن سونرا قایتاریر یئنه 

طوطی نی تا ائوده  دانیشا  دینه 

داها گورور طوطی آلیب  تربیت 

سیناماغا ایلییر آرواد نیت 

حاضیرلاییر باشیندا هر جور  سئوال 

خبر آلیر طوطی دن او دالبادال 

ائوده منی بیر کیشیله گورنده
 
دوداقلاردان دادلی اوپوش درنده 

نه دییه بیلرسن گوزووه گوروندو ؟

جاواب وئریر من دییرم اریندی 

اولسا ایکی باخ نئجه ایشلر باشین 

دییر بیری ارین بیری ده قارداشین 

بیردن اوچ اولدو نئجه سویلییرسن؟ 

اوچ دنه یه ایندی سن نه دییرسن 

طوطی دییر گوردون ایندی هرزه سن

بونا نه دییر؟ هرزه دییل سن نه سن؟ 

یوخ یالانین آی خانیم اصلا  یئری 

اولمالی دی هر آروادین بیر اری

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 22 آبان 1395 :: نويسنده : فتح اله پناهی عربلی
+0 به یه ن
وفاسیز عومورون 

                گنج چاغیندا 

        یازین نفسیله گولمگ ایسته دیم 

 امما........

         باشقا وفاسیزین یامان حسرتی 


کونلوم ده بوز اولوب 

                          دوندوردو منی

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 22 آبان 1395 :: نويسنده : فتح اله پناهی عربلی
+0 به یه ن
یاواش 
   
  یالواریرام خزان یئلی 

              یاواش بیرآز

        ساخسی دیر اوره ییم 

          سئوگی گولونه 

                    هله لیک الیم

     دئمییب دی یارین ایستی الینه

دوشوب سینسا اوره ک غم دییل اینان 

                      یاواش

                  گولون ازیلمه سی  قورخودور منی

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 22 آبان 1395 :: نويسنده : فتح اله پناهی عربلی
+0 به یه ن
باشین آغارماسی 

         انسانین بیلیکلی اولماغینا

              سبب دییل

                        چونکی آلتین سیزداغلاریندا

 
               زیروه سینده قار اولور


                        کشکه باش یوخ انسانلاردا 

        آغیل آغارا

عربلی




گؤنده ر 100 درجه کلوب دات کام گؤنده ر
بؤلوم : وطن
+0 به یه ن
سئوگی 

      ساوادسیز انسانا

                     بنزه ر 
بعضا 

      یاساق قویولموش 

                 یئرلرده 

                   بیلمه دن

                          ایاق

                             باسیر

عربلی





گؤنده ر 100 درجه کلوب دات کام گؤنده ر
بؤلوم : وطن
جمعه 21 آبان 1395 :: نويسنده : فتح اله پناهی عربلی
+0 به یه ن
عشقیمه 

    یارامادیز 

           باری 

              سپه 
                        له
                               مه

                                 یاراما دوز

عربلی




گؤنده ر 100 درجه کلوب دات کام گؤنده ر
بؤلوم : وطن
جمعه 21 آبان 1395 :: نويسنده : فتح اله پناهی عربلی
+0 به یه ن
گونش

بولود لاردا چکیلیب دی 

اولماییب دی گئجه هله 

گونون گون اورتا چاغیندا 

بس نییه گولمور بو گونش ؟

بلکه مندن کوسوب دو او 

ایسته میر باشیما شاخا 

بیرده کی اوزومه باخا 

تیکانلی سوز دئمه میشم 

گونشین دیه خطرینه 

بیلمیرم هئچ سبب نه دی 

آلمیر بیزی او چترینه 

ایکی گوندو گوده گوده 

حسرت قالمیشام عطرینه 

عربلی




گؤنده ر 100 درجه کلوب دات کام گؤنده ر
بؤلوم : وطن
جمعه 21 آبان 1395 :: نويسنده : فتح اله پناهی عربلی
+0 به یه ن
کئشگه 

چیخایدین قارشیما جاوان چاغیمدا 

یاشیللیق اولایدی خول بوداغیمدا 

گورمه یه گلمه یه گوج ایاغیمدا 

قاچا قاچا گلیب گوره ردیم سنی 



گونش یاتاغینا گئدیب چاتاندا 

قارانلیق دونیانی گیروو توتاندا 

آتان باشین آتیب راحات یاتاندا 

ال آتیب گیزلین جه ده ره ردیم سنی 



بو یالقیز کونلومه همدم اولماغا 

سوسوز دوداقیما زمزم اولماغا 

سئوگی لی دردیمه مرهم اولماغا 

دریب سینه م اوسته سره ردیم سنی 



سانکی بیر آج قوشام دنیم اولاردین 

دردیمه، قمیمه قنیم اولاردین 

بیرجه بو عالمده منیم اولاردین 

بئیم باشقاسینا وئره ردیم سنی؟ 


عربلی




گؤنده ر 100 درجه کلوب دات کام گؤنده ر
بؤلوم : وطن
جمعه 21 آبان 1395 :: نويسنده : فتح اله پناهی عربلی
+0 به یه ن
ایستردیم


ایستردیم اوپم شوقیله او گول یاناغیزدان 

دولدو اوره یه قورخو یامان قاشقاباغیزدان

من بیر غلامامام سیزده کی بو کونلومه سولطان 

طعن ائتمه سه دوشمانلار اوپردیم ایاغیزدان

یاغدیر باشیما سن آجی سوزجوکلری جانا

هر سوز گله عنوانیما خوشدور او آغیزدان 

البته شیرینلش مه سینه واردی گومانیم 

چون کئچمه لی دیر هر بیرآجی بال دوداغیزدان 

هئچ بیر مزه اول  لعل شکر بارینا چاتماز 

جان طوطی سی درگاهه گلیب دیر سراغیزدان


اولموش داها دردیندن عربلی قارا گونلو 

لوطف ایله گولوم عومرون ایشیق قیل چیراغیزدان


عربلی





گؤنده ر 100 درجه کلوب دات کام گؤنده ر
بؤلوم : وطن
یارپاق لار : 1 2 3
 
   
 
Powerd By : ARZUBLOG.COM Theme Designer : MyTheme.ir