بلاقا گؤره




بؤلوم لر
یولداش لار
     
سایغاج
rss feed
عربلی
تورکجه طنز شعیرلر
آنا یارپاق       وطن       ایلگی      
دوشنبه 30 آذر 1394 :: نويسنده : فتح اله پناهی عربلی
+0 به یه ن

                   یلدا گئجه سی


قارداش ائله یلدا کیمی عومرون اوزون اولسون

سفره نده گوروم بوللی چورگ له دوزون اولسون

بوشن گئجه نین پوسته بادام شیرنی سی قات قات

ایام باهالیقدا شیرین قارپیزین اولسون

یارانه وی عومرونده گوروم کسمه سین الله

بیر کیمسه ده یوخ تک اوز الینده گوزون اولسون

بوش گلمه یه سن اودلی بازاردان ائوه آخشام

آرواد اوشاغا باخماغا بلکه اوزون او.لسون

چهره نده اصیل بیر کیشی لیک گورکمی دورسون

هم درس ادب وئرمه یه ائوده سوزون اولسون

کانون محببته شامین داییمی یانسین

سن نوقطه ی پرگار قیراق اوغلون قیزین اولسون

زهر ایله مه سین چیلله نی آرواد بو سویوقدا

ایلک قاپی نی چالان کس باجی یوخ بالدیزین اولسون

آلسین یانی نی قوی باجاناقلارلا قایین لار

گولسون خانیمین بلکه بو قیشدا یازین اولسون

سالما یادابیر دوغما باجی قارداشی هئچ واخت

اونلار داها کیم دیر کی یولوندا گوزون اولسون

اولدوقجا چالیش قاینه نه یه حورمتین آرتسین

قایدابودو بو شرطیله ائوده ایزین اولسون





گؤنده ر 100 درجه کلوب دات کام گؤنده ر
بؤلوم : وطن
پنجشنبه 26 آذر 1394 :: نويسنده : فتح اله پناهی عربلی
+0 به یه ن

تضمین

 

هیجران غمی الدن آلیب آرام و قراری

ایللردی گوره بیلمیرم او نازلی نیگاری

بیلمم نئجه آرام ائلئییم بو دل زاری

 

                    اولدوز سایاراق گوزله میشم هر گئجه یاری

                    گئج گلمه ده دیر یار یئنه اولموش گئجه یار

 

باختیم یاتیبان گور ایشیم اولدو نه یامان نص

عومروم آغاجی باری نی سالدی یئره نارس

بایقوش کیمی قالدیم نئجه ویرانه ده بی کس

 

                       گوزلر آسیلی یوخ نه قارالتی نه ده بیر سس

                        باتمیش قولاغیم گورنه دوشورمکده دی داری

 

یاریم منه غملرله بو دونیانی دارالدیب

آیدین گونومو قیلدیقی ظولمیله قارالدیب

عشقی له تاپیب شهرت آدین ائلده اوجالدیب

 

                      از بس منی یاپراق کیمی هیجرانلا سارالدیب

                     باخسان اوزونه سانکی قیزل گولدی قیزاری

 

سینه مده اوره ک پارچالادی خنجری قاشلار

آخدی بو گوزومدن یئره هئی سئل کیمی یاشلار

ائل ایچره مثلدی دلی گورسه دلی خوشلار

 

                   گوز یاشلاری هر یئردن آخارسا منی توشلار

                   دریایه باخار بللی دی چایلارین آخاری

 

ظولمیله خزان قیلدی جدا بولبولو گولدن

دوشدوم آرالی گور نئجه مجنون کیمی ائلدن

اولسم ده اینان عشقیسیلینمز بو کونولدن

 

                      اولدوم قارا گون آیریلالی او قارا تئلدن

                       بونجا قارا گونلردی ائدن رنگیمی ساری


هر گون اویانیب آینا قاباقیندا دورار صوبح

               

گیسوی پریشانی نی ذوقیله دارار صوبح

یول گوزله مه سی قلبیمی اولدوقجا یارار صوبح


                       گلمز تانیرام باختیمی ایندی آغارار صوبح

                  باش بویله آغاردیقجا داها قاشدا اغاری

 

بیر یار کی یارین آلماغا جانین قییاجاقمیش

افسونیله مین درده دوچار ائیلیه جاقمیش

شمشیر جفائیله اوره ک دوغرییاجاقمیش

 

                     عشقین کی قراریندا وفا اولمیاجاقمیشس

                       بیلمم کی طبیعت نییه قویموش بو قرار


یالواردیم اونا رشته ی اوممیدیمی قیرما

بیجا یئره سسلندی یازیق روحینی یورما

کئچدی  گوره سن بیرده منی بوینونو بورما

 

                         ریشخندیله قیرجاندی سحر سویله دی دورما

                             جان قورخوسو وارعشقین اودوزدون بو قوماری





گؤنده ر 100 درجه کلوب دات کام گؤنده ر
بؤلوم : وطن
پنجشنبه 26 آذر 1394 :: نويسنده : فتح اله پناهی عربلی
+0 به یه ن

فتیله


بوقدر یاخچیلیق ائدندن سورا

اوز اولدو ایپگیم اوجوز میتیله

اوزاقدان یاخیندان گودندن سورا

نه دن دولاشدی بو تورکه فیتیله

 

ساواشدا قورخودان هئی گئری قالدی

اوز به اوز دوشمانلا باکیری قالدی

او بیر شهید اولدو بو دیری قالدی

ایندی باخیر بیزه پیس نییتیله

نه دن دولاشدی بو تورکه فیتیله

 

وطنداش ساناراق کئچدی حورمتیم

اولمادی هئچ زامان آزار اذییتیم

بو اولدو آخیردا منیم قیمتیم

عرب لر اوینادی اونون گ.......

ندن دولاشدی بو تورکه فیتیله





گؤنده ر 100 درجه کلوب دات کام گؤنده ر
بؤلوم : وطن
سه شنبه 24 آذر 1394 :: نويسنده : فتح اله پناهی عربلی
+0 به یه ن

                      مناجات  


کرم قیل دونیادا یارادان الله

بولبولو گولشن ده گول سیز اولماسین

کئچل لیگی قالدیر آرادان الله

کیمسه تئللی کیمسه تئل سیز اولماسین

 

آچ دیلی نی قوی دانیشسین لال لاری

اوره کده قالماسین قیل قال لاری

چال چاغیردا پوزولماسین حال لاری

قولاقی کار اغزی دیل سیز اولماسین

 

وئر تزه دن گورمه یه نین گوزونو

گوزگو قاباقیندا گورسون اوزونو

گوزللیگه باخیب دئسین سوزونو

قولوندان توتولان ال سیز اولماسین

 

خسته لرین دردینه بیر قیل علاج

اولماسین هئچ مردی نامرده موحتاج

دونیادا بیر قاریندا قالماسین آج

یوخسولون کورپه سی حال سییز اولماسین

 

حوققا بازلارقورماسینلار تله سین

حاممالین بئلیندن یئندیر شله سین

یوک ییه سی چکسیسن اوزو مله سین

کیمی پوللی کیمی پول سیز اولماسین

 

اوشویه نین ال ایاغین قیزیشدیر

یولچی لاری یولچیلیغدان ییغیشدیر

سئون لری بیر بیرینه قووشدیر

سئوگی محببت ووصال سیز اولماسین

 

بد نظری دونیامیزدان یوخ ایله

حکیم لربن دار گوزونو توخ ایله

حاق دوشونوب حاق قانانی چوخ ایله

حقیقته بیر مئییل سیز اولماسین

 

بیر نظر سال ائوده قالان قیزلارا

آچ دوگونو موشکولو اولسون چارا

سوبای لاردا سوبایلیقدان قورتارا

توی توتولسین تار قاوال سیز اولماسین

 

کرم قیل سن اوشاقسیزا اولادی

شیرین اولسون اونا حایاتین دادی

بیرده آتا آنا دئییلسین آدی

هئچ کیشی نی اهل عیال سیز اولماسین

 

بولو.د لارا حوکم ائله چوکسون یئره

گول چیچک بورو سون یئری یکسره

سئون سئودیگینه دریب گوندره

شیریلداسین دره سئل سیز اولماسین

 

قویون قوزو هارینناسین مله سین

چوبان داغدا هئی توتگین پیله سین

اوروشونه یام یاشیللیق دیله سین

جیران اوتسیز صونا گول سیز اولماسین

 

خیرخواهدان ایراق ائله هر شری

کیشی لرین بوش اولماسین جیبلری

قووشدیر یوردونا سن غریب لری

آدام سیز اوباسیز ائل سیز اولماسین

 

دایاندیر دونیادا آخان قانلاری

خانلارین خئیرینه گئدن جانلاری

اوزگه آماجینا او قوربانلاری

دونیامیزدا قوللو قولسیز اولماسین

 

هر بیر یانی چنگینه آلسین باریش

دوزگون رقابتله قورولسون یاریش

حاکیمی اولماسین هر ایشین قوروش

یوللو یولسیز چوللو چولسیز اولماسین

 

شهرلی نین آج قارینین دویو.رانی

کتدیلردی ملال گورمه سین جانی

بول اولسون همشه سوتو ایرانی

قابباجادا ایتده یالسیز اولماسین

 

اجابت قیل عربلی نین دوعاسین

اومود باغلادیغی بو التماسین

اوچورتماسین قضا قوشلار یوواسین

کورپه سی قوینوندا کولسیز اولماسین





گؤنده ر 100 درجه کلوب دات کام گؤنده ر
بؤلوم : وطن
یکشنبه 22 آذر 1394 :: نويسنده : فتح اله پناهی عربلی
+0 به یه ن

       اولاندا

بولاق لارین سرین سویو آزالار

داغلارین زیروه سی قارسیز اولاندا

آتا آنا واخت وده سیز قوجالار

اکدیگی دوغدوغو کارسیز اولاندا

 

پیس عادت عنعنه آلیب دونیانی

گوز آلتدا ساخلاییر انسان انسانی

گورنلر قینایار قوجا باغبانی

بئجردیگی باغچا بارسیز اولاندا

 

اصیل انسانلیقا اعتبار گرگ

نه دولت گرگدی نه ده وار گرگ

سئوینجه دولماقا بیرجه یار گرگ

غم کدر اولدورر یارسیز اولاندا

 

عاغیل دان کاسیبلار یارنه دی قانماز

آتانین آنانین حالینا یانماز

یاتدی دونیا باتا بیرده اویانماز

عومور بئله اوتور عارسیز اولاندا





گؤنده ر 100 درجه کلوب دات کام گؤنده ر
بؤلوم : وطن
+0 به یه ن

حورمتلی نرگس صادقوند خانیمین دانلاما شعیرینه جاواب

             گرگ دانلاناسان

درسینی تحویل آلماغا

سوز قولاغیندا قالماغا

ایشینده گوجلو اولماغا

باجیم گرگ دانلاناسان

 

اولسا اگر سنده یئری

دانلاماقین وار خئییری

یاخجی یازارسان شعیری

باجیم گرگ دانلاناسان

 

داها دئییل قدیم زامان

ائو ایشی وئرمه سین آمان

فراغتیز چوخدو اینان

باجیم گرگ دانلاناسان

 

یوخ باشیز اوسته قاینه نه

ائوده گله فشار سنه

بو عیللته دئییم یئنه

باجیم گرگ دانلاناسان

 

واردی نه قدری فرصتین

ذکاوتین فراستین

یازماغا قابلییتین

باجیم گرگ دانلاناسان

 

واختین اوتور زنگ ایشینه

بالدیزیلان جنگ ایشینه

اوز باجینلا انگ ایشینه

باجیم گرگ دانلاناسان

 

ایندی ائوده ایشین نه دیر

بیرجه یئمک پیشیرمه دیر

آشا آشا اوشورمه دیر

باجیم گرگ دانلاناسان

 

صوبح یوخودان اویانمامیش

دئمه گلدی چرچی خانیش

قونشولارلا سن آز دانیش

باجیم گرگ دانلاناسان

 

آغاج اودون دهره سی یوخ

اییرمه گه جهره سی یوخ

چالخاماغا نهره سی زیوخ

باجیم گرگ دانلاناسان

 

ایندی اون اله مک هانی

کونده کونده له مک هانی

یا اوشاق بله مک هانی

باجیم گرگ دانلاناسان

 

سویله اینک ساغان وارمی

چولده پنبه ییغان وارمی؟

یددی اوغول دوغان وارمی؟

باجیم گرگ دانلاناسان

 

نه دیر ائوده قاتقاریشیق

ایکی بشقاب ایکی قاشیق

یومورسان قالیر بولاشیق

باجیم گرگ دانلاناسان

 

پالتارینی ماشین یویور

یئر آلمانی رنده سویور

سوزون وارسا ایندی بویور

باجیم گرگ دانلاناسان

 

بیرجه ارین بیرجه اوشاق

توکورسن ائله قاشقاباق

زهرمارلا دولور طاباق

باجیم گرگ دانلاناسان

 

اولسا ارین قلبی قارا

واردی بو موشکوله چارا

یاخجی یاز اوزو یالوارا

باجیم گرگ دانلاناسان

 

یورغون ایشدن ائوه گلیر

نه بیر یاتیر نه دینجه لیر

اوشاق الینده گیجه لیر

باجیم گرگ دانلاناسان

 

یازیق اوزون یورا یورا

سنده دییرسن افترا

ایندی بو تهمته گورا

باجیم گرگ دانلاناسان

 

شعرینین اولسا اشکالی

گلیر بونوما وابالی

قالمیاسان بیرده دالی

باجیم گرگ دانلاناسان

 

وار بیلیین وار ساوادین

ایسته رم اوجالسین آدین

فخر ائله سین بو اوستادین

باجیم گرگ دانلاناسان





گؤنده ر 100 درجه کلوب دات کام گؤنده ر
بؤلوم : وطن
جمعه 20 آذر 1394 :: نويسنده : فتح اله پناهی عربلی
+0 به یه ن

                 دیرین وار


شهلا گوزون ای گول نئجه نازیک کمرین وار

رخساره یاییلمیش قارا گیسوی ترین وار

هئی لاله ی نورسته کیمین جیلوه له نیرسن

عشق اهلی نی حیرتده قویان شیوه لرین وار

اوقات فراغتده یاراتمیش سنی تانریم

تر غونچا دهانیندا صدفدن گوهرین وار

مه پاره اوزون شمع شب آرادی ازلدن

عشقین اودونا یانماغا پروانه لرین وار

بالدان دا شیریندی او گوزل لب لرین ای گول

طوطی لری رام ائتمه یه لعل و شکرین وار

اول نازلی باخیشلار منی بیل اوسونا سالمیش

هر بیر باخیشیندا جان آلان فتنه لرین وار

جان قوربانی اولسون گوزلیم خال جمالین

بیر جان نه دی کی؟ جومله جهانه دیرین وار





گؤنده ر 100 درجه کلوب دات کام گؤنده ر
بؤلوم : وطن
جمعه 20 آذر 1394 :: نويسنده : فتح اله پناهی عربلی
+0 به یه ن

          وطنیم


وطن منه جان وئریب دی

من و.طنه نه وئرمیشم؟

دردیمه درمانن وئریب دی

من وطنه نه وئرمیشم

 

بسله نرک چورییندن

جان آلمیشام اورییندن

دوشمه میشم کورییندن

من وطنه نه وئرمیشم؟

 

علاجلانیب آلاغیندان

فایدالانیب اوجاغیندان

سو ایچمیشم بولاغیندان

من وطنه نه وئرمیشم؟

 

بارینمیشام باغلاریندان

اوجا اوجا داغلاریندان

غافیل یامان چاغلاریندان

من وطنه نه وئرمیشم؟

 

دیلین قاتیب اوزگه دیله

اعتبارین وئریب یئله

دوشمه میشم باشا هله

من وطنه نه وئرمیشم؟

 

سورغوسونا سئوال دئییب

اینی یه تابه حال دئییب

بئی کیشی یه رجال دئییب

من وطنه نه وئرمیشم؟

 

دوستلا دوشمانی قانمادیم

بیر آن حالینا یانمادیم

تالان اولدو اویانمادیم

من وطنه نه وئرمیشم؟





گؤنده ر 100 درجه کلوب دات کام گؤنده ر
بؤلوم : وطن
جمعه 20 آذر 1394 :: نويسنده : فتح اله پناهی عربلی
+0 به یه ن

            قاییت


سالما حسرته سن سالما آنانی

وارلیغین یولوندا قویوب دانانی

اصیل هحببتین بیرجه قانانی

قاییت قوربان اولوم قاییت کندینه

 

دوشوب سن قوربته بیر ائلین قالیب

بارلی باغچامیزدا تر گولون قالیب

گوزلری یوللاردا سئوگیلین قالیب

قاییت قوربان اولوم قاییت کندینه

 

قاییت تورپاعینا قاییت داشینا

گورمه یه قیزلارین بولاق باشینا

قیما گیزلی آخان سئوگی یاشینا

قاییت قوربان اولوم قاییت کندینه

 

ساختا گوزللیگین اویما اویونا

آنان حاضیرلاشیر بویوک تویونا

باخا بیر دویونجا باخا بویونا

قاییت قوربان اولوم قاییت کندینه

 

نه واختان سریلیب یوللارا گوزوم

بو داغلی سینه مده قالیب دی سوزوم

سویله آیریلیغا من نئجه دوزوم؟

قاییت قوربان اولوم قاییت کندینه





گؤنده ر 100 درجه کلوب دات کام گؤنده ر
بؤلوم : وطن
پنجشنبه 19 آذر 1394 :: نويسنده : فتح اله پناهی عربلی
+0 به یه ن

                   عشق عالمی


کونلوم اولموش بیر پریزاد عشقینین کاشانه سی

شمع رخسارین شیرین جاندان کئچن پروانه سی

آی دوشر تئز سجده یه گورسه جمالین دلبرین

عالمی حیران قیلار اول نرگس فتانه سی

عشق قاموسیندا اولماز بیر داها مجنون آدی

چون بو دوراندا منم یوخ باشقابیر دیوانه سی

اولساعشقیم دن خبردار اهل حال انسان چیخار

ماجراجو سینه لردن فرهادین افسانه سی

تیشه ی عشقیله یارماق بیستونلار سهل دیر

سرت قایالار یاررام اولسا رخصت شاهانه سی

نایل اولسا وصلینه نیلیر عربلی جننتی

کیم برابر دیر اونا بیر بوسه ی جانانه سی





گؤنده ر 100 درجه کلوب دات کام گؤنده ر
بؤلوم : وطن
یارپاق لار : 1 2 3 4
 
   
 
Powerd By : ARZUBLOG.COM Theme Designer : MyTheme.ir