|
بلاقا گؤره یولداش لار سایغاج 
عربلی تورکجه طنز شعیرلر یکشنبه 18 مهر 1395 :: نويسنده : فتح اله پناهی عربلی
 +0 به یه ن
تئز اولدور منی خومار باخیشلار ین اولوم قوربانی یوخ سوزوم آی آلا گوز اولدور منی یادا سالما باغلادیغین پیمانی الیمی الیندن اوز اولدور منی بیرآن دا ایله مه جفادن حذر پریشان حالیما قیلما بیر نظر عشقین عادتی دیر اوره کلر اوزر خومار گوزلرینی سوز اولدور منی سالمیسان جانیمی بیر یانار اودا خیالیندا یوخام دوشمه رم یادا مرحمت ایله مه یئتیشمه دادا اوره ییمه اله کوز اولدور منی غملره دئمیرم منده یوخ دوزوم رقیب طعنه سینه یوخومدیر سوزوم عربلی یم سنه قوربانام اوزوم آماندی یازیغام تئز اولدور منی عربلی
 گؤنده ر
بؤلوم : وطن شنبه 17 مهر 1395 :: نويسنده : فتح اله پناهی عربلی
+0 به یه ن
آشیق قادان آلیم سؤیله سن بیزه نه دن کامرالار سیزی گؤتورمور اولکه ده دولانیر هی دیار دیار ایری نی گؤتورور دوزو گؤتورمور سؤزونده جانلانیر عنعنه عادت یولوندان جایانی قیلیر شماتت سؤیله بوچالغیندا نه دیر کراهت سؤزو گؤتورسه ده سازی گؤتورمور نه بیر گوناهی وار نه بیر سوچو وار او آج قارین کیمی بوش بیر ایچی وار نامحرم گؤرمه یه نه ده ساچی وار اله بیل باش آچیق قیزی گؤتورمور گؤز آغلاتماییب دی گؤز اوخشاییب دی درین دوشونجه لی سؤز اوخشاییب دی یئرینده هرنه نه یی دوز اوخشاییب دی دویغوسوز انسان دی اوزو گؤتورمور کؤک لی بیر آلت دی ازلدن قالیب ذووقلی بیلگی لی اوزانلار چالیب چالدیقچا دونیادا باشیم اوجالیب بو زنگین صنعت دی گؤزو گؤتورمور نه رپ نه لامبادا نه ده جازدی بو ساری تئل یارادان تئللی سازدی بو هرقدر چالینسا والله آزدی بو بیراعجازدی بو اعجازی گؤتورمور عربلی
گؤنده ر
بؤلوم : وطن شنبه 17 مهر 1395 :: نويسنده : فتح اله پناهی عربلی
+0 به یه ن
افشین قاغا بو دونیادی، گلن گئدیر میز قالیر گلیب گئدن لردن اوغول ایز قالیر خاطیرلاردا بیرجه یاخجی، دوز قالیر باخ بو میزه اولماسین عشقین قاغا اوغورلار اولسون سنه افشین قاغا سندن اول واریدی بوردا بیری جذب الییردی ادبی، تدبیری بیر ایش گور کی قالما سن اوندان گئری چالیش اولا رفتاری مشقین قاغا اوغورلار اولسون سنه افشین قاغا اوغول مقدس دی بسیج کلمه سی حیران ائدیب بصیرتی هرکسی جومله جهانه یاییلیبدیر سسی بیر اوجو آمریکا بیری چین قاغا اوغورلار اولسون سنه افشین قاغا سنده ساخلا ایندی بونون حورمتین صداقتین کرامتین عزتین وار چیخارین چوخداکی اولماز چتین گوزله گینن تانری دان اجرین قاغا اوغورلار اولسون سنه افشین قاغا هر عملین هر سوزون هر رفتارین سانکی یاییرسان سپاهین معیارین جهد اله سن اوجالاداسان باشلارین اولدون آخی بوردا جانشین قاغا اوغورلار اولسون سنه افشین قاغا بورداکی لار هاممیسی شاعیر دیلر اوز یئرینده ادیب دیلر پیردیلر هرنه دئسن یازماغا قادیردیلر لاب بئله چوخ دردلی سی فردین قاغا اوغورلار اولسون سنه افشین قاغا بوردا هامی بیر بیرینین دوستودو ایستی یئرین طبیعتی، پستودو پارساباددی هاواسی چوخ ایستی دی نه اردبیلدی نه ده مشگین قاغا اوغورلار اولسون سنه افشین قاغا هر انسانین باشیندا بیر فیکری وار دوشونجه، شریعتی ذکری وار بئله دوشونمه بو توپلومدا مکری وار یازارلارین چرچوه سی دین قاغا اوغورلار اولسون سنه افشین قاغا هئچ بیرینین دیمه بیرآن خطرینه حورمت اله کلمه سینه سطرینه شاعیر گلمز حربه زوربا چترینه شیرین دیلله بوردا دانیش دین قاغا اوغورلار اولسون سنه افشین قاغا شاعیر جماعت دن اوغول سوز ایسته محبت دن اولسا ایکی گوز ایسته اولماسا لاب قیشدا گلیب بوز ایسته آرزیلارین اولمیاجاق چین قاغا اوغورلار اولسون سنه افشین قاغا واردی الیندن توت اگر امکانین گئنیش اله یازماغا سن میدانین آد قازانیب یاخشی لار ایچره تانین بیرجه باخ اولسون بئله فیکرین قاغا اوغورلار اولسون سنه افشین قاغا آل نظره سن همشه صلاحی دیل وئریبدی اوغول سنه ایلاهی دوشمان اوچون چاغلا بوگون سیلاحی دمیر گورسه قاچمالی دیر جین قاغا اوغورلار اولسون سنه افشین قاغا مسئول اگر اولسا ساوادلی جاوان معرفت دن اولماز او هئچ واخت یاوان قارداش جانی دوشسه بیریندن داوان بیرینجی من باغلیاجام کین قاغا اوغورلار اولسون سنه افشین قاغا عربلی
گؤنده ر
بؤلوم : وطن پنجشنبه 15 مهر 1395 :: نويسنده : فتح اله پناهی عربلی
+0 به یه ن
موغان اوغلو ائلین شاعیری سن ائلین پیری سن قاییت قوربان اولوم قاییت گئری سن بو سنسیز شهرده یئنه یئری سن گوزلییر یولونو ائل موغان اوغلو اینان کی سنسیز لیک اوره ک داغلاییر سوزلرین دیللرده هر آن چاغلاییر گرایلی آغلاییر قوشما آغلاییر گوزوندن جالانیر سئل موغان اوغلو گوروشه اوره ک ده ،گوزده داریخیر شعیر یازدیغین او قیزدا داریخیر کوینک ینده قالان سازدا داریخیر سیزیلدار هیجرینده تئل موغان اوغلو آراز سنی ایستر ، میل سنی ایستر ساحیلینده چیچک، گول سنی ایستر ایزینه آلیشان یول سنی ایستر دورما آغرین آلیم گل موغان اوغلو عربلی
گؤنده ر
بؤلوم : وطن پنجشنبه 15 مهر 1395 :: نويسنده : فتح اله پناهی عربلی
+0 به یه ن
گئدیرم قانادی سینمیش بیر قوشام انساتلاردان یورولموشام جهنمه دونوب یاشام گئدیرم اللهی تاپام صداقتله یوخ سئوه نیم بیلمیرم کیمه گووه نیم حاضیرلانیب دی کفنیم گئدیرم اللهی تاپام سئوینج اکیب درد بیچیرم آغیز دولو قم ایچیرم داها دونیادان کوچورم گئدیرم اللهی تاپام گول اوستونه یاغیش یاغمیر آنالار مرد اوغول دوغمور ایگید گلیب یاغی بوغمور گئدیرم اللهی تاپام دونیانین آغیلی چاشیب گوزللیک لر ساختالاشیب صبیر کاسام یامان داشیب گئدیرم اللهی تاپام یئر کوره سین ظولم آلیب دی انسانلیقدان آد قالیب دی روحوم یامان قوجالیب دی گئدیرم اللهی تاپام عربلی
آردینی اوخو گؤنده ر
بؤلوم : وطن یکشنبه 25 بهمن 1394 :: نويسنده : فتح اله پناهی عربلی
+0 به یه ن
بئکارچیلیق
بئکارچیلیق قیش گتیردی عومرومه سئوینجه اوره ییم یاز تاپا بیلمیر دولاندیقجا گوزوم باخ بوشهرده وئییل وئییل گزن آزتاپا بیلمیر یئتنه اوز ویریب اوزدن دوشموشم تانیشلار یانیندا گوزدن دوشموشم آختارا آختارا دیزدن دوشموشم اللریم دویمه یه دیز تاپا بیلمیر چوخ لاری من کیمی بئکار دولانیر کدردن موحنت دن آلیشیب یازیر اوره کده بو اودون کوزو قالانین آنجاق اوجاقینا کوز تاپابیلمییجم آتالار اللری یامان قاباردی تاپدیغینی دانشگاهلار آپاردی اوغول مدرک آلیب هله بئکاردی ائوینده دادماغا دوز تاپابیلمییجم کیمین وار آدامی،وار اعتباری تاپیلماز نسلینده بیرجه بئکاری باخاندا اولکه یه اوزو یوخاری گوزوم بیر نفرده دوز تاپابیلمیر درس اوخویوب، درده،غمه دولموشام کاغیذ اوسته بیر مهندیس اولموشام قیرخ یاشیندا هله سوبای قالمیشام گوره ن دییربلکه قیز تاپابیلمیر ائلچی لیکده سوروشوللار واریمداواریمدان قازانجیمدان،پئشه مدن،دیناریمدان گوزوم باخیر دیزلریمه عاریمدان دیلیم دانیشماغا سوز تاپابیلمیر یوردومون نه قدر گورون نازی وار حایالی،عصمت لی، گوزل قیزی وار والله ایشسیزینده گوره ن گوزو وار دویمه یه قاپی سین اوز تاپابیلمیر گؤنده ر
بؤلوم : وطن شنبه 17 بهمن 1394 :: نويسنده : فتح اله پناهی عربلی
+0 به یه ن
ساری گئت سین دونیا دئدیین کوهنه دییرمان، ساری گئت سین دارتیر گئجه گوندوز دنی انسان، ساری گئت سین کاروان سارادیر هر گله نین دونمه سی البت سنده اوزونو بیل بورا مهمان، ساری گئت سین واخت چاتدیغی آن خیلخالاییر تئز ملک الموت باخمیر بونوکردیر یادا سولطان ساری گئت سین جنت ده، جهنم ده بودونیاده دی قارداش اولما بئله بیر دردیله نالان ساری گئت سین اویدیرما روایت لره مداحه اینانما چون رزقی مقرردی بویولدان، ساری گئت سین مومن اودوکی تانری یا قلبینده اینانسین یوخ ارزشی بو دیلده کی ایمان، ساری گئت سین خالیق اتکی لاب بئله اولدوقجا بویوک دی قیماز یانا هئچ بنده نی رحمان، ساری گئت سین دیندن ده قاباق سن بالا انسانلیغا بند اول گر بوندان اوزاق اولدو موسلمان، ساری گئت سین ال چیرکی دییرکن بیزی آلداددی بو پوللی نینک بونا سن اولما پریشان، ساری گئت سین ساغلاملیق اوزو انسانا سرمایه دی والله وئرمه بوقدر غصه، غمه جان، ساری گئت ایمکان قدری دونیادا انسان لاری سئو سن معشوقدو نه دی، سئوگیلی، جانان، ساری گئت سین مجنون ائلیین قیسی بئکارلاردی، نه لیلی کیم دیر اوصنم، عاشیقی صنعنان، ساری گئت سین بیر قیز سنه چوخ ناز اله سه بوینونو بورما بو دووری ده گور بول نه دی قیزدان، ساری گئت سین قالما الی قوینوندا آ قیز اوغلانا خاطیر مین لرجه شهرده بئکار اوغلان، ساری گئت سین جهد ایله تامام لذتی نی داد بو حیاتین دوشمز اله بیرده بئله دوران، ساری گئت سین
گؤنده ر
بؤلوم : وطن چهارشنبه 2 دی 1394 :: نويسنده : فتح اله پناهی عربلی
+0 به یه ن
گوشی یئر توتوب دیر اول قدر حوسن و ملاحت گوشی ده بونجادیر داییم اولور بد باخت جماعت گوشی ده عاشیقه لازیم دئییل چرشنبه لر چشمه باشی چونکی واردیر هر زامان سئوگی محببت گوشی ده بیر بولاق دیر هر گروه آلمیش گوزللر دوره سین سیفعلی فیش وئرمه یه تاپدی جسارت گوشی ده ایندی دوستلوقلار خیاوانذان چکیلمیش پی وی یه ایله شیب سئودالی لار ائوده قیلیر چت گوشی ده شکلینی گوندر عیان کیمدیر قارانلیقدا گوره؟ باخ نمایان دیر تامام هر سرو قامت گوشی ده بوردا نه قونشو تانیش واردیر نه مامور گیر وئره یوخدو بیر کس عاشیقی قیلسین ملامت گوشی ده گورمه یه هر انسانی سیز باشقا یئر آختارمایین چون تاپارسیز هر کیمی اولدوقجا راحت گوشی ده یاشلی یاشسیز تلگرامدا گونده جولان ائیلییر ماندانا سکینه خالا سامان حاج عززت گوشی ده هاردادیر طعن ائیلیین لر حوکمتی ایشسیز لیگه گور نئجه شاغیل قیلیب دیر خالقیدولت گوشی ده باش قاتیب دیر جومله عالم بیر بئکار یوخ قارداشیم وار بیری ایشسیز لیگه ائتسین شکایت گوشی ده؟ باتمامیش گون کئچدی بیرده صوبح نامازیندا چیخار چون موسلمان دیر ائدیر هر آن عبادت گوشی ده لیس الالانسان الا ما سعی دن درس آلیب مکتب قرآنه خاطیردیر بو عادت گوشی ده ایندی دوران باشقادیر چون تسبیحه یوخ احتیاج ذکر ائدیر شوقیله هردم جومله میللت گوشی ده هر کیمین گر ائوده واردیر بیر هئجر غیرتدی سی بعضا او الدن آلیر چوخ وار شماتت گوشی ده گؤنده ر
بؤلوم : وطن دوشنبه 30 آذر 1394 :: نويسنده : فتح اله پناهی عربلی
+0 به یه ن
یلدا گئجه سی قارداش ائله یلدا کیمی عومرون اوزون اولسون سفره نده گوروم بوللی چورگ له دوزون اولسون بوشن گئجه نین پوسته بادام شیرنی سی قات قات ایام باهالیقدا شیرین قارپیزین اولسون یارانه وی عومرونده گوروم کسمه سین الله بیر کیمسه ده یوخ تک اوز الینده گوزون اولسون بوش گلمه یه سن اودلی بازاردان ائوه آخشام آرواد اوشاغا باخماغا بلکه اوزون او.لسون چهره نده اصیل بیر کیشی لیک گورکمی دورسون هم درس ادب وئرمه یه ائوده سوزون اولسون کانون محببته شامین داییمی یانسین سن نوقطه ی پرگار قیراق اوغلون قیزین اولسون زهر ایله مه سین چیلله نی آرواد بو سویوقدا ایلک قاپی نی چالان کس باجی یوخ بالدیزین اولسون آلسین یانی نی قوی باجاناقلارلا قایین لار گولسون خانیمین بلکه بو قیشدا یازین اولسون سالما یادابیر دوغما باجی قارداشی هئچ واخت اونلار داها کیم دیر کی یولوندا گوزون اولسون اولدوقجا چالیش قاینه نه یه حورمتین آرتسین قایدابودو بو شرطیله ائوده ایزین اولسون گؤنده ر
بؤلوم : وطن پنجشنبه 26 آذر 1394 :: نويسنده : فتح اله پناهی عربلی
+0 به یه ن
تضمین
هیجران غمی الدن آلیب آرام و قراری ایللردی گوره بیلمیرم او نازلی نیگاری بیلمم نئجه آرام ائلئییم بو دل زاری
اولدوز سایاراق گوزله میشم هر گئجه یاری گئج گلمه ده دیر یار یئنه اولموش گئجه یار
باختیم یاتیبان گور ایشیم اولدو نه یامان نص عومروم آغاجی باری نی سالدی یئره نارس بایقوش کیمی قالدیم نئجه ویرانه ده بی کس
گوزلر آسیلی یوخ نه قارالتی نه ده بیر سس باتمیش قولاغیم گورنه دوشورمکده دی داری
یاریم منه غملرله بو دونیانی دارالدیب آیدین گونومو قیلدیقی ظولمیله قارالدیب عشقی له تاپیب شهرت آدین ائلده اوجالدیب
از بس منی یاپراق کیمی هیجرانلا سارالدیب باخسان اوزونه سانکی قیزل گولدی قیزاری
سینه مده اوره ک پارچالادی خنجری قاشلار آخدی بو گوزومدن یئره هئی سئل کیمی یاشلار ائل ایچره مثلدی دلی گورسه دلی خوشلار
گوز یاشلاری هر یئردن آخارسا منی توشلار دریایه باخار بللی دی چایلارین آخاری
ظولمیله خزان قیلدی جدا بولبولو گولدن دوشدوم آرالی گور نئجه مجنون کیمی ائلدن اولسم ده اینان عشقیسیلینمز بو کونولدن
اولدوم قارا گون آیریلالی او قارا تئلدن بونجا قارا گونلردی ائدن رنگیمی ساری هر گون اویانیب آینا قاباقیندا دورار صوبح
گیسوی پریشانی نی ذوقیله دارار صوبح یول گوزله مه سی قلبیمی اولدوقجا یارار صوبح گلمز تانیرام باختیمی ایندی آغارار صوبح باش بویله آغاردیقجا داها قاشدا اغاری
بیر یار کی یارین آلماغا جانین قییاجاقمیش افسونیله مین درده دوچار ائیلیه جاقمیش شمشیر جفائیله اوره ک دوغرییاجاقمیش
عشقین کی قراریندا وفا اولمیاجاقمیشس بیلمم کی طبیعت نییه قویموش بو قرار یالواردیم اونا رشته ی اوممیدیمی قیرما بیجا یئره سسلندی یازیق روحینی یورما کئچدی گوره سن بیرده منی بوینونو بورما
ریشخندیله قیرجاندی سحر سویله دی دورما جان قورخوسو وارعشقین اودوزدون بو قوماری گؤنده ر
بؤلوم : وطن |
||
باغلانتی لار
سون یازیلار
آرشیو
|
||