|
بلاقا گؤره یولداش لار سایغاج 
عربلی تورکجه طنز شعیرلر سه شنبه 10 آذر 1394 :: نويسنده : فتح اله پناهی عربلی
 +0 به یه ن
قاچاجام بئله گئدسه دییسن من بوشهردن قاچاجام گونده بوز بوز باخان او سوزلو نظردن قاچاجام غم دییل هرنه قدر اولسا داریسقالدا ائویم بئله دردی چکرم باشقا کدردن قاچاجام نه قدر بوغسادا واردیر دوزوموم توستوسونه قولاق آس ساده دییم ایندی نه لردن قاچاجام بوشهرده نه صداقت نه ده اینصاف گورونور جیزیغیندان چیخان اولاد بشردن قاچاجام اویره نیب دیللری هرگونده یالان آند آمانا داها دوشموش ایمان ایلقاردا اثردن قاچاجام اولدورور پولدان اوتور دوغمالار اوز بیربیرینی منه هاردان گلجک رحمی سحردن قاچاجام بئی آتی یاغلیان آسوده پیراولموش شهره خان اولان بیر گئجه ده اصلی نوکردن قاچاجام دانلاغیندان یورولوب کتده دییردیم هامییا کابی فرضی حاجی تاپدیق میر جعفردن قاچاجام بوردا آغ ساچلیلارین هربیری قالمیش گئرید تزه جوک جوک ائلیین لات جوجه لردن قاچاجام نه بیر آغساققالی نه بویوک باش بیله نی بورا اوندرلیک ائدن باخ سودامردن قاچاجام سسی گلمیر اویادااسکی خوروزلار یوخودان بانلیان واخت وعده سیز کال بچه لردن قاچاجام چوخ راحاتلیقلا دییللر بیزه هر گون یالانی بوهتان اوزره یاییلان جومله خبردن قاچاجام آیلار ایللر دولانیب ایستییه نیم گلسه قوناق قونشولاردان آچیلان پنجره لردن قاچاجام روحیم اینجیکدی داها کیمسه یه گلمیر گومانیم دوستو دونیایه ساتان اهل هنردن قاچاجام  گؤنده ر
بؤلوم : وطن سه شنبه 10 آذر 1394 :: نويسنده : فتح اله پناهی عربلی
+0 به یه ن
سوبایلیق قورخا قورخا فیکیرلشدیم بیر گئجه حیاتیما گورکمیمه یاشیما گوردوم اوتور عومور سرعتله نئجه یاواش یاواش آغ توک ائنیر قاشیما
دئدیم آرتیق یامان گونه قالمامیش چلیک دن دیزیمه بیر گوج آلمامیش عومور گولوم بو دونیادا سولمامیش تئز آختاریم بیر یارایان ایشیمه
توکندی قراریم یورولدی دوزوم آغیللا کونلومده بیر اولدو سوزوم گزدی محله میزی ایاق باش گوزوم بیرآن ایسته دیگیم چیخدی قارشیما
سوز آتدیم منده یوخ اختیار دئدی آتام وئرمه لی دی سون قرار دئدی اودا بیرینجی سوز ائوین وار دئدی یوخ دیینده زهر قاتدی آشیما
اوزگون اوزگون صاباح گئتدیم مسکنه کاتیب باخدی گاه کاغاذا گاه منه سوبایسان یوخ دئدی ائو اولماز سنه قان قاریشدی گوزدن آخان یاشیما
ائولن میه ائو دئدیلر آلاسان ائو آلماقا گرگ ائولی اولاسان ائل قیناییر چوخدا سوبای قالاسان ایندی دئیین نه داش سالیم باشیما گؤنده ر
بؤلوم : وطن سه شنبه 10 آذر 1394 :: نويسنده : فتح اله پناهی عربلی
+0 به یه ن
بیزیم جاوانلیق بودونیاده جاوانلیقدان بیز آنجاق گوز یاشین گوردوک نه ایرانسل نه اینترنت نه ده چت یولداشین گوردوک طاباقدا تاپمادیق بیر زاد پولاد تک دیش اولان واختلار وار ایندی یوخ گوجو باتسین بو لاخ ساختا دیشین گوردوک نه سئودیک نه سئویلدیک اوز زامانیندا بو رسمیله جفاکار روزگارین بیزکورکده هی داشین گوردوک آنام گوردو آتام آلدی آلیشدیق بیزده مجبوری نه قد گوردوک نه ده قامت نه یونتانمیش قاشین گوردوک اوغورلوق بویلادیق بلکه اوزاقدان بیر گوزه دیسین غضب لی سانکی زیندانبان آتاسین قارداشین گوردوک لوپورت داش اوینانان یئرده سوز اولدو کتده توی واردی نه بیز بیلدیک نه او بد باخت بیرآن پیشمیش آشین گوردوک نه گول وئردیک نه گول آلدیق نه ده قول بوینونا سالدیق قالیب ائوده توتک چالدیق کیچیکلر چیخداشین گوردوک گئدنلر گتدیلر بیزده اوزاقدان ترله دیک گورجک توتولدو دیل خجالتدن بیر آزدان چاش پاشین گوردوک گوتوردوک بیر نئچه آلما یاخین گلسز دئدیک ویرریق یوخیمیش خئیری بللندی آغیلسیزلیق یاشین گوردوک بونادانلیق بو بیلمزلیک حیا و عصمت آدلاندی آییلدیق ایندی دوستلاردان باشا بورک کئچمیشین گوردوک نه بیر گزمک نه بال آیی نه روحه بیر صیغال وئردیک نه آنتالیا نه منچستر نه ده بیر آوراشین گوردوک اوزاق مقصد مشهد اولدو اودا بیر کوهنه بنزیله نه طییاره قاتار میندیک نه ده تیپ لی ماشین گوردوک گونوز آلدیق نخود کیشمیش گئجه جمله زیارتده قیفیلدان برک توتان زاییر دوعاسین قارقیشین گوردوک بیلنلر بیلمیینلردن ده آرتیق غصه غم چکدی فلک مین بیر جفائیله آغارتدی تئز باشین گوردوک یادابیر تیغ قهریله کوکوندن ساچلارین یولدو عومور بیهوده صرف ائتمیش ساوادلی بکتاشین گوردوک چالیشدی چوخ گئجه گوندوز اوتوز ایل خالقادرس وئردی اوزو بیر یاخجی درس آلدی هئچیمیش پاداشین گوردوک آردینی اوخو گؤنده ر
بؤلوم : وطن دوشنبه 9 آذر 1394 :: نويسنده : فتح اله پناهی عربلی
+0 به یه ن
شاعیر گؤنده ر
بؤلوم : وطن دوشنبه 9 آذر 1394 :: نويسنده : فتح اله پناهی عربلی
+0 به یه ن
کاترین - ظریف نوودن یارانان اودلی محببت سمالاردا سرگردان دولانیر یوللاراوزون-مقصد اوزاق یورغون یوخوسوز اوچا اوچا نه اویور نه دیور آرزیسی؟ بلکه بیر ابدی ووصالا یول آچا آتیلیر اوچاقلاردان یئنی میساجلار هی دیپلماتیک تیخاجلار یارانیر گاه ژنوده گاه وین ده باشلاییر یئنی گون یئنی گوروشلر دوداقلاردا تبسسم لر گولوشلر محببت میدانیندا ایکی جسور حریف بیری کاترین - بیری ظریف قودالار قیناییر اوغلانی قیزی بعضا" کولگه سالیر گوروشلرینه یئنه توی یوبانیر اینتظار اوزانیر یئنی دن محببتین توکنمز گوجو قووشدیریر قیسا ساققالی ساریشین ساچا بیر آن گوروشلره قاتیلیر کری اوزاق کتده اولان قیزین دایی سی قورخوسو وار کنگره دن-موساددان نصب باخیمیندان اوگک اولسادا دیلله نیر اوغلانین لاوروف عمی سی اوغلان آداملاری دلواپس اولور گلیرینه زیان بیلیر بو گوروشو -باریشی اودور سوکاکلاردان چکیلمیر گئری بوزولور اوغلان اوزولور قیز یئنه توی یوبانیر اینتظار اوزانیر دانیشان چوخ دینن چوخ غرور آتینا مینن چوخ ایکی گنجین طالعین دوشونن یوخ قاریشیللار-قاتیللار باریش یولونا داش آتیللار راحات یاتیللار قالیر آنلاشمالار بیر ماسا اوسته هامی دونور آتا ائوینه باشقا بیر گوروشه حاضیرلاشیرلار یئنه توی یوبانیر اینتظار اوزانیر نه قدر دانیشیق نه قدر گوروش ائلچیلیین سونو یوخمی؟ بس نه واخت اولاجاق بو توی؟ قازانلار قاینییاجاق ائل ییغیلیب اوینییاجاق گوزلیین لر وار آخی بو تویی اویناماق ایستییر اوغلانلار قیزلار وفاسیز عومورون گنج چاغیندا اویناماق ایستییر اوغلانلار قیزلار قارداش تویوندا باجی تویوندا بس نه واخت اولاجاق بو توی؟ هرآتانین هرآنانین آرزی سی-دیله یی-ایسته یی گؤنده ر
بؤلوم : وطن شنبه 7 شهریور 1394 :: نويسنده : فتح اله پناهی عربلی
+0 به یه ن
"قاچان قیزلار "
دوشونمه دیز یاخشی بیرآز نفرت سیزین خئیردوعاز آردیزجا بیر داشدا جاهاز باش گوتوروب قاچان قیزلار قاچان قیزلارقاچان قیزلار اوتاندیردیز آتالاری ائل ایچینده چکدی عاری عومورلری اولدی یاری اوره یه اوخ ساچان قیزلار قاچان قیزلار قاچان قیزلار ال جیبه هردم سالیردی هرنه دئسز تئز آلیردی واقتینیزا چوخ قالیردی آییلدیز سیز هاچان قیزلار قاچان قیزلار قاچان قیزلار هی آنا نازلاردی سیزی حاضیرلاردی جئر جئهیزی یاشلی قالیب ایندی گوزی قیناغا یول آچان قیزلار قاچان قیزلار قاچان قیزلار اونلاری سیزهئچ ایلدیز آرزولارین پوچ ایلدیز لاپدان لاپا کوچ ایلدیز اوز باشینا سئچن قیزلار قاچان قیزلار قاچان قیزلار قالدی اوره کلرده غمیز توتولدو ائوده ماتمیز ایرانسل اولدو ائلچیمیز بیر قوش کیمی اوچان قیزلار قاچان قیزلار قاچان قیزلار پوزدوز ائلین عادتی نی قایداسینی هم دبی نی آتاسیز کسدیز کبینی اوزگه یه ال آچان قیزلار قاچان قیزلارقاچان قیزلار امما آلتی آی اولمامیش چادرانین رنگی سولمامیش ساچ قالمادی او یولمامیش طالاقا آند ایچن قیزلار قاچان قیزلار قاچان قیزلار
ایشلر اولدو بئله چتین آیریلیق اولدو نییتین بیتدی شارژی محببتین بیر زنگیله کوچن قیزلار قاچان قیزلار قاچان قیزلار گؤنده ر
بؤلوم : وطن سه شنبه 3 شهریور 1394 :: نويسنده : فتح اله پناهی عربلی
+0 به یه ن
نیلیم بو دوران فلاکت ده دئیین خوار اولماییم نیلیم حیاتیم رنج و محنت ده دل افگار اولماییم نیلیم ساغیم اوغرو سولوم اوغرو نه اینصاف وار نه ده دوغرو قان اولدو یوخسولون باغری باخیب زار اولماییم نیلیم گلیر آز خرجیم آنجاق چوخ الیم بوش جیبده بیر زاد یوخ نه حالیم ساز نه قارنیم توخ طلبکار اولماییم نیلیم یوزه قیرخ بهره واملاردا بیزیم درده باخان هاردا اودور داییم قالیب داردا گرفتار اولماییم نیلیم کئچیب دیر قسطیم حددیندن بوگون بانکلار اوزاق دیندن اوزه دوشموش بو ضامین دن شرمسار اولماییم نیلیم کاسیبلیق جان آلان یئرده اوره ک هر دم دولور درده دئییم بو یاشدا بی پرده گوناهکار اولماییم نیلیم گؤنده ر
بؤلوم : وطن پنجشنبه 29 مرداد 1394 :: نويسنده : فتح اله پناهی عربلی
+0 به یه ن
الله الله (2)
روزگارین چوخلو واردی محنتی ایلده بیر سری چتین آللیق اتی قالخیب هارا آذوقه نین قیمتی
سفرمیزده سوغاندی الله الله زامان یامان زاماندی الله الله
دسته دسته گلیر ائوه قبض لر پولونا باخاندا دایانیر نبض لر نیله سین الله بویازیق کارگر
گاز و برق و سوداندی الله الله زامان یامان زاماندی الله الله
طبیعی خروس قارا بودین یئیردیک آغ تویوغو هریئرده پیسلئییردیک آدینا امیرکه تویوغو دئییردیک
ایندی اودا گراندی الله الله زامان یامان زاماندی الله الله
نه بانک تانیردیم نه ده وام آلماغی الده پوشه صف دالیندا قالماغی رئیس لره واسطه لر سالماغی
بورچ بئلیمه قالاندی الله الله زامان یامان زاماندی الله الله
هرنه قدر گلسه فشاردا قولا اکینچی نین محصولو گئتمیر پولا بورچ گوتورور کود و سم وبذر آلا
اوزونه قالان ساماندی الله الله زامان یامان زاماندی الله الله
باشی قاریشیب سیاسته دولتین اقتصادا گورموروک هئچ هممتین یانان یوخدو دردینه بو میللتین
بیرجه وئرگی اوماندی الله الله زامان یامان زاماندی الله الله
جاوانلارین هدر گئدیر دورانی بکارچیلیقدان سومورور قلیانی توستوسو البتته آلیب هر یانی
سانکی چندی دوماندی الله الله زامان یامان زاماندی الله الله
ائولنمه یه یوخلئییر اوغلان جیبین جراتی یوخ سککه کسیر چون کبین گتدی بیزه زمانه بو پول دبین
هئچ دئمز بو جاواندی الله الله زامان یامان زاماندی الله الله
قیز آتاسی عومور کئچیردیرناساز هی دئییری ائلچی یه صبر ائت بیرآز چاره سی یوخدور نئجه آلسین جاهاز
چوخ بئله توی یوباندی الله الله زامان یامان زاماندی الله الله
دانشگاه اولماز بیزیم آزاد تکی شهریه سی لاب قورودا خیرددگی سئل کیمی توکسون بازارا مدرکی
خلقی سویان توکاندی الله الله زامان یامان زاماندی الله الله
پول وئریب البتته آلیر لیسانسی اولماسا پارتی ایشه یوخدو شانسی دوز دئییل هئچ تحصیل،ایشین بالانسی
یازیق بکار دولاندی الله الله زامان یامان زاماندی الله الله
یالتاخلانیر میللت عریضه سینده تظاهر ایلئییر فریضه سینده لازیم اولسا یئره قویور اوزونده
مقصد اوچون پلاندی الله الله زامان یامان زاماندی الله الله
قبله دئییل بیزلره ایندی حجاز خلق قیلیر دوربینه خاطیر ناماز چیرکین حیاتیندا حلل اولور نیاز
دین دئدیگین گوماندی الله الله زامان یامان زاماندی الله الله
گزیردیم تای توشلاریملا قول قولا ذرره قدر فیکر ائله مزدیم پولا عومروده آسوده سالیردیم یولا
گرفتارام هاچاندی الله الله زامان یامان زاماندی الله الله گؤنده ر
بؤلوم : وطن دوشنبه 26 مرداد 1394 :: نويسنده : فتح اله پناهی عربلی
+0 به یه ن
اولدورجک
نه منی عزراییل الله، نه فلک اولدورجک نه فلاکت ،نه بوران قیش، نه کولک اولدورجک نه تورروم ،نه باهالیق، نه تاپیلماز داوالار نه ده پولسیز بوشهرده پله سک اولدورجک حوکومت باخماسادا آجلیقا جان وئرمییجم نه بکارلیق، نه ده بورجلار، نه چورک اولدورجک یاناجاق اولسا باها، غم دییل هئچ ،وار ایاغیم نه ماشین سیز کوچه لرده یئریمک اولدورجک نه قدر وارسادا دردیم دوزه بیللم هله لیک نه ده غملرله دولو قانلی اوره ک اولدورجک طاماخیندان تاری نین امری نی بیهوده سایان بیرجه جننت دن آتیلمیش بو ملک اولدورجک آلدانیب شیطانا بو تجربه دن درس گوتورن اوزو اولموش بئله اوستاد کلک اولدورجک اولوب اوولده فرشته، سورا چونموش بشره اودوکی بیزده دییللر بیجلک اولدورجک سوز یالان ،آند یالان، بیرده کی غیبت پئشه سی کیمه بوهتان، کیمه آتمیش متلک، اولدورجک گاهی مین حوققه ایله دونیادا مال توپلایاجاق یازیغین، مظلومین حاققین یییه جک اولدورجک گاهدا مدداح اولاراق میللته قان آغلاداجاق گونده اویدیرما روایت دییه جک اولدورجک یادا بعضا گوروسن قاضی اولوب محکمه ده گوز یوموب حاققی ناحاق ائیلییجک اولدورجک حوکومت فارس دیر، اوزوم تورکم و الله دا عرب هانسی دیلدن بو قدر دردی دئمک اولدورجک یاشا رویاده < عربلی> هله لیک چونکی سنی بو قدر فیکر و خیال آرزو دیلک اولدورجک گؤنده ر
بؤلوم : وطن سه شنبه 20 مرداد 1394 :: نويسنده : فتح اله پناهی عربلی
+0 به یه ن
تلفون قولاغیم سسده دیر گوز اس ام اسده سئوگی حرارتی تلفو نو مدادی داها زنگ ائله میر بیر بویو بسته سسی نین حسرتی تلفونومدادی سحیرلی گوزلری سالدی اوسینا دوشدو سئودا اودو سی پی یو سینا هرزه دانیشمادی بیر آن او، سینا عشقین صداقتی تلفونومدادی هر گئجه ویبره ده او خلوتده دیر دویماغا سسی نی یار یولون گودور بیر سیگنال آلجاغین لاب یئری دیدیر انتظار محنتی تلفونومدادی سئوگی فضاسیندا آنتنی دولمور ویروسا توتولوب زنگیده چالمیر هی قاچیر الیمه جیبیم ده قالمیر مجنون موصیبتی تلفونومدادی تک اونا باغلاندی باخ بو دونیادا داش اولدو اوره یی سالمادی یادا وئردی عبث یئره شارژی نی بادا بلاسی ،آفتی تلفونومدادی وئردیگی سوزلری ایلقاری داندی یاندی عشق اودونا آی سی سی یاندی نه بیر نظر قیلدی نه ده کی قاندی ساختا محببتی تلفونومدادی بیر قارا یئل کیمی اسن دن سورا سئوگی علاقه سین کسن دن سورا گلیب باریشمادی کوسن دن سورا گئچمیش حلاوتی تلفونومدادی محببت دوشمه سه اوره گه گوزه ال باشا چیرپیلار یاداکی دیزه بیر بئله سئوگی نین نه خئیری بیزه؟ آلین بو عبرتی تلفونومدادی سنین دیر اوره گیم هی دییه دییه بیر سنه باغلانیر بش ده اوزگییه گر دئسن اینانیم من نئجه ؟ نییه؟ یالانچی صوحبتی تلفونومدادی گؤنده ر
بؤلوم : وطن |
||
باغلانتی لار
سون یازیلار
آرشیو
|
||