|
بلاقا گؤره یولداش لار سایغاج 
عربلی تورکجه طنز شعیرلر پنجشنبه 26 آذر 1394 :: نويسنده : فتح اله پناهی عربلی
 +0 به یه ن
فتیله بوقدر یاخچیلیق ائدندن سورا اوز اولدو ایپگیم اوجوز میتیله اوزاقدان یاخیندان گودندن سورا نه دن دولاشدی بو تورکه فیتیله
ساواشدا قورخودان هئی گئری قالدی اوز به اوز دوشمانلا باکیری قالدی او بیر شهید اولدو بو دیری قالدی ایندی باخیر بیزه پیس نییتیله نه دن دولاشدی بو تورکه فیتیله
وطنداش ساناراق کئچدی حورمتیم اولمادی هئچ زامان آزار اذییتیم بو اولدو آخیردا منیم قیمتیم عرب لر اوینادی اونون گ....... ندن دولاشدی بو تورکه فیتیله  گؤنده ر
بؤلوم : وطن سه شنبه 24 آذر 1394 :: نويسنده : فتح اله پناهی عربلی
+0 به یه ن
مناجات کرم قیل دونیادا یارادان الله بولبولو گولشن ده گول سیز اولماسین کئچل لیگی قالدیر آرادان الله کیمسه تئللی کیمسه تئل سیز اولماسین
آچ دیلی نی قوی دانیشسین لال لاری اوره کده قالماسین قیل قال لاری چال چاغیردا پوزولماسین حال لاری قولاقی کار اغزی دیل سیز اولماسین
وئر تزه دن گورمه یه نین گوزونو گوزگو قاباقیندا گورسون اوزونو گوزللیگه باخیب دئسین سوزونو قولوندان توتولان ال سیز اولماسین
خسته لرین دردینه بیر قیل علاج اولماسین هئچ مردی نامرده موحتاج دونیادا بیر قاریندا قالماسین آج یوخسولون کورپه سی حال سییز اولماسین
حوققا بازلارقورماسینلار تله سین حاممالین بئلیندن یئندیر شله سین یوک ییه سی چکسیسن اوزو مله سین کیمی پوللی کیمی پول سیز اولماسین
اوشویه نین ال ایاغین قیزیشدیر یولچی لاری یولچیلیغدان ییغیشدیر سئون لری بیر بیرینه قووشدیر سئوگی محببت ووصال سیز اولماسین
بد نظری دونیامیزدان یوخ ایله حکیم لربن دار گوزونو توخ ایله حاق دوشونوب حاق قانانی چوخ ایله حقیقته بیر مئییل سیز اولماسین
بیر نظر سال ائوده قالان قیزلارا آچ دوگونو موشکولو اولسون چارا سوبای لاردا سوبایلیقدان قورتارا توی توتولسین تار قاوال سیز اولماسین
کرم قیل سن اوشاقسیزا اولادی شیرین اولسون اونا حایاتین دادی بیرده آتا آنا دئییلسین آدی هئچ کیشی نی اهل عیال سیز اولماسین
بولو.د لارا حوکم ائله چوکسون یئره گول چیچک بورو سون یئری یکسره سئون سئودیگینه دریب گوندره شیریلداسین دره سئل سیز اولماسین
قویون قوزو هارینناسین مله سین چوبان داغدا هئی توتگین پیله سین اوروشونه یام یاشیللیق دیله سین جیران اوتسیز صونا گول سیز اولماسین
خیرخواهدان ایراق ائله هر شری کیشی لرین بوش اولماسین جیبلری قووشدیر یوردونا سن غریب لری آدام سیز اوباسیز ائل سیز اولماسین
دایاندیر دونیادا آخان قانلاری خانلارین خئیرینه گئدن جانلاری اوزگه آماجینا او قوربانلاری دونیامیزدا قوللو قولسیز اولماسین
هر بیر یانی چنگینه آلسین باریش دوزگون رقابتله قورولسون یاریش حاکیمی اولماسین هر ایشین قوروش یوللو یولسیز چوللو چولسیز اولماسین
شهرلی نین آج قارینین دویو.رانی کتدیلردی ملال گورمه سین جانی بول اولسون همشه سوتو ایرانی قابباجادا ایتده یالسیز اولماسین
اجابت قیل عربلی نین دوعاسین اومود باغلادیغی بو التماسین اوچورتماسین قضا قوشلار یوواسین کورپه سی قوینوندا کولسیز اولماسین گؤنده ر
بؤلوم : وطن یکشنبه 22 آذر 1394 :: نويسنده : فتح اله پناهی عربلی
+0 به یه ن
اولاندا بولاق لارین سرین سویو آزالار داغلارین زیروه سی قارسیز اولاندا آتا آنا واخت وده سیز قوجالار اکدیگی دوغدوغو کارسیز اولاندا
پیس عادت عنعنه آلیب دونیانی گوز آلتدا ساخلاییر انسان انسانی گورنلر قینایار قوجا باغبانی بئجردیگی باغچا بارسیز اولاندا
اصیل انسانلیقا اعتبار گرگ نه دولت گرگدی نه ده وار گرگ سئوینجه دولماقا بیرجه یار گرگ غم کدر اولدورر یارسیز اولاندا
عاغیل دان کاسیبلار یارنه دی قانماز آتانین آنانین حالینا یانماز یاتدی دونیا باتا بیرده اویانماز عومور بئله اوتور عارسیز اولاندا گؤنده ر
بؤلوم : وطن شنبه 21 آذر 1394 :: نويسنده : فتح اله پناهی عربلی
+0 به یه ن
حورمتلی نرگس صادقوند خانیمین دانلاما شعیرینه جاواب گرگ دانلاناسان درسینی تحویل آلماغا سوز قولاغیندا قالماغا ایشینده گوجلو اولماغا باجیم گرگ دانلاناسان
اولسا اگر سنده یئری دانلاماقین وار خئییری یاخجی یازارسان شعیری باجیم گرگ دانلاناسان
داها دئییل قدیم زامان ائو ایشی وئرمه سین آمان فراغتیز چوخدو اینان باجیم گرگ دانلاناسان
یوخ باشیز اوسته قاینه نه ائوده گله فشار سنه بو عیللته دئییم یئنه باجیم گرگ دانلاناسان
واردی نه قدری فرصتین ذکاوتین فراستین یازماغا قابلییتین باجیم گرگ دانلاناسان
واختین اوتور زنگ ایشینه بالدیزیلان جنگ ایشینه اوز باجینلا انگ ایشینه باجیم گرگ دانلاناسان
ایندی ائوده ایشین نه دیر بیرجه یئمک پیشیرمه دیر آشا آشا اوشورمه دیر باجیم گرگ دانلاناسان
صوبح یوخودان اویانمامیش دئمه گلدی چرچی خانیش قونشولارلا سن آز دانیش باجیم گرگ دانلاناسان
آغاج اودون دهره سی یوخ اییرمه گه جهره سی یوخ چالخاماغا نهره سی زیوخ باجیم گرگ دانلاناسان
ایندی اون اله مک هانی کونده کونده له مک هانی یا اوشاق بله مک هانی باجیم گرگ دانلاناسان
سویله اینک ساغان وارمی چولده پنبه ییغان وارمی؟ یددی اوغول دوغان وارمی؟ باجیم گرگ دانلاناسان
نه دیر ائوده قاتقاریشیق ایکی بشقاب ایکی قاشیق یومورسان قالیر بولاشیق باجیم گرگ دانلاناسان
پالتارینی ماشین یویور یئر آلمانی رنده سویور سوزون وارسا ایندی بویور باجیم گرگ دانلاناسان
بیرجه ارین بیرجه اوشاق توکورسن ائله قاشقاباق زهرمارلا دولور طاباق باجیم گرگ دانلاناسان
اولسا ارین قلبی قارا واردی بو موشکوله چارا یاخجی یاز اوزو یالوارا باجیم گرگ دانلاناسان
یورغون ایشدن ائوه گلیر نه بیر یاتیر نه دینجه لیر اوشاق الینده گیجه لیر باجیم گرگ دانلاناسان
یازیق اوزون یورا یورا سنده دییرسن افترا ایندی بو تهمته گورا باجیم گرگ دانلاناسان
شعرینین اولسا اشکالی گلیر بونوما وابالی قالمیاسان بیرده دالی باجیم گرگ دانلاناسان
وار بیلیین وار ساوادین ایسته رم اوجالسین آدین فخر ائله سین بو اوستادین باجیم گرگ دانلاناسان گؤنده ر
بؤلوم : وطن جمعه 20 آذر 1394 :: نويسنده : فتح اله پناهی عربلی
+0 به یه ن
دیرین وار شهلا گوزون ای گول نئجه نازیک کمرین وار رخساره یاییلمیش قارا گیسوی ترین وار هئی لاله ی نورسته کیمین جیلوه له نیرسن عشق اهلی نی حیرتده قویان شیوه لرین وار اوقات فراغتده یاراتمیش سنی تانریم تر غونچا دهانیندا صدفدن گوهرین وار مه پاره اوزون شمع شب آرادی ازلدن عشقین اودونا یانماغا پروانه لرین وار بالدان دا شیریندی او گوزل لب لرین ای گول طوطی لری رام ائتمه یه لعل و شکرین وار اول نازلی باخیشلار منی بیل اوسونا سالمیش هر بیر باخیشیندا جان آلان فتنه لرین وار جان قوربانی اولسون گوزلیم خال جمالین بیر جان نه دی کی؟ جومله جهانه دیرین وار گؤنده ر
بؤلوم : وطن جمعه 20 آذر 1394 :: نويسنده : فتح اله پناهی عربلی
+0 به یه ن
وطنیم وطن منه جان وئریب دی من و.طنه نه وئرمیشم؟ دردیمه درمانن وئریب دی من وطنه نه وئرمیشم
بسله نرک چورییندن جان آلمیشام اورییندن دوشمه میشم کورییندن من وطنه نه وئرمیشم؟
علاجلانیب آلاغیندان فایدالانیب اوجاغیندان سو ایچمیشم بولاغیندان من وطنه نه وئرمیشم؟
بارینمیشام باغلاریندان اوجا اوجا داغلاریندان غافیل یامان چاغلاریندان من وطنه نه وئرمیشم؟
دیلین قاتیب اوزگه دیله اعتبارین وئریب یئله دوشمه میشم باشا هله من وطنه نه وئرمیشم؟
سورغوسونا سئوال دئییب اینی یه تابه حال دئییب بئی کیشی یه رجال دئییب من وطنه نه وئرمیشم؟
دوستلا دوشمانی قانمادیم بیر آن حالینا یانمادیم تالان اولدو اویانمادیم من وطنه نه وئرمیشم؟ گؤنده ر
بؤلوم : وطن جمعه 20 آذر 1394 :: نويسنده : فتح اله پناهی عربلی
+0 به یه ن
قاییت سالما حسرته سن سالما آنانی وارلیغین یولوندا قویوب دانانی اصیل هحببتین بیرجه قانانی قاییت قوربان اولوم قاییت کندینه
دوشوب سن قوربته بیر ائلین قالیب بارلی باغچامیزدا تر گولون قالیب گوزلری یوللاردا سئوگیلین قالیب قاییت قوربان اولوم قاییت کندینه
قاییت تورپاعینا قاییت داشینا گورمه یه قیزلارین بولاق باشینا قیما گیزلی آخان سئوگی یاشینا قاییت قوربان اولوم قاییت کندینه
ساختا گوزللیگین اویما اویونا آنان حاضیرلاشیر بویوک تویونا باخا بیر دویونجا باخا بویونا قاییت قوربان اولوم قاییت کندینه
نه واختان سریلیب یوللارا گوزوم بو داغلی سینه مده قالیب دی سوزوم سویله آیریلیغا من نئجه دوزوم؟ قاییت قوربان اولوم قاییت کندینه گؤنده ر
بؤلوم : وطن پنجشنبه 19 آذر 1394 :: نويسنده : فتح اله پناهی عربلی
+0 به یه ن
عشق عالمی کونلوم اولموش بیر پریزاد عشقینین کاشانه سی شمع رخسارین شیرین جاندان کئچن پروانه سی آی دوشر تئز سجده یه گورسه جمالین دلبرین عالمی حیران قیلار اول نرگس فتانه سی عشق قاموسیندا اولماز بیر داها مجنون آدی چون بو دوراندا منم یوخ باشقابیر دیوانه سی اولساعشقیم دن خبردار اهل حال انسان چیخار ماجراجو سینه لردن فرهادین افسانه سی تیشه ی عشقیله یارماق بیستونلار سهل دیر سرت قایالار یاررام اولسا رخصت شاهانه سی نایل اولسا وصلینه نیلیر عربلی جننتی کیم برابر دیر اونا بیر بوسه ی جانانه سی گؤنده ر
بؤلوم : وطن پنجشنبه 19 آذر 1394 :: نويسنده : فتح اله پناهی عربلی
+0 به یه ن
هیجران داغی اوره کده یادگاریم دیر نیگارا داغ هیجرانین ائدیبدیر کونلومو پاره ستم له تیر مژگانین قیلیبسان باغری می آلقان کسرلی تیغ نازین لا وفاسیز اولما انصاف قیل گولوم آز ایله طغیانین دولاننام هر سحر باغدا گتیرسین بلکه بیر ذرره شمیم مشک نابیندان صبا زلف پریشانین محببت اهلی یم جانا کرم له بیر عنایت قیل بو قدری داغدار ائتمه جفالرله وفا کانین ووصالین جیسمه بیر جان دیر اجازه قیل سانام شاها بساط خوان وصلینده اولوم بیر لحظه مهمانین نظر قیلسان تمننایه نیگارا چوخ یوباندیرما وئریم تا شور و شوقیله دیر سیز جانی قوربانین غریق بحر محنت دیر عربلی شوق وصلیندن اونوغم دن خلاص ایله گر اولسا الده امکانین گؤنده ر
بؤلوم : وطن پنجشنبه 19 آذر 1394 :: نويسنده : فتح اله پناهی عربلی
+0 به یه ن
آز ائت یارب بو پریچهره لرین عومرونو آز ائت سلب ایله گوزللیک لرینی اهل نیاز ائت مغرور اولوب اوز حوسنونه چوخ شیللاق آتیللار نججار طبیعت ال آپار ذرره طراز ائت هر بیر قارا زولفو ائله بیل قلبه بیر اوخدور سن قهر اوراغینلا بیچیب او باشلاری داز ائت دلداده لرین گوز یاشی عممانه برابر چوخ ایسته میرم گوزلرینین یاشین آراز ائت کافردی تمننائیله حتی بویون ایمیر دولدور اوره یین نوریله سن اهل ناماز ائت عاشیقده یامان حاله تمسخرلا باخیللار پوز حاللارینی دونیادا اونلاری ناساز ائت جووروندن عربلی بالا چوخ تنگه گلیب دی قارقیش الی قالدیرمامیش او ظولمونو آز ائت گؤنده ر
بؤلوم : وطن |
||
باغلانتی لار
سون یازیلار
آرشیو
|
||