|
بلاقا گؤره یولداش لار سایغاج 
عربلی تورکجه طنز شعیرلر پنجشنبه 19 آذر 1394 :: نويسنده : فتح اله پناهی عربلی
 +0 به یه ن
سن سیز بنزه رمنه عالم گوزلیم زیندانا سن سیز غم آتشی دوشموش بو سیخیلمیش جانا سن سیز اولموشدو کونول بیرجه سنین عشقینه باغلی سن آیریلالی قالدی اودا ویرانا سن سیز هیجرین منی چوخ درده غمه موشکوله سالدی کیمدیر یامان احوالیمی جانا قانا سن سیز؟ بولبول سایاقی اولموشام هیجرانه گرفتار یوخ طاقتیم ای گول دولانام بیر یانا سن سیز گلسین یازیغین باخ بو یامان حالیما بیردم قیما بو قدر باغریمی دونسون قانا سن سیز سن سیز بو حایاتدا یاشاماق والله عبث دیر چونکی داها دونیا منه بیر غمخانا سن سیز عشقین غمی اولدورسه ده ای گول بو عربلی بیل باشقاسینا گئتمییجک درمانا سن سیز  گؤنده ر
بؤلوم : وطن پنجشنبه 19 آذر 1394 :: نويسنده : فتح اله پناهی عربلی
+0 به یه ن
هله
آلدین الدن قلبیمی جان سان هله درد وئردین لئیک درمان سان هله اشکارا یاردین بو قملی سینه می چیخماییب سینه مده پنهان سان هله قیلدی ویران تیغ نازین کونلومو بو خرابات ایچره سولطان سان هله هر ایکی دونیایه یایدین قیمتین بیر قدر چوخ ایله ارزان سان هله کئچدی عومرون عشق بازلیق خوش دئییل تا نه واخت خسرو پریشان سان هله
بو غزل امیر خسرو دهلوی نین فارسجا هنوز عنوانلی غزلی نین چئویرمه سی دی گؤنده ر
بؤلوم : وطن یکشنبه 15 آذر 1394 :: نويسنده : فتح اله پناهی عربلی
+0 به یه ن
دیوانه سی یوخ شمع رخسارینین ای گول دئمه پروانه سی یوخ اوجمالین گوزلیم سویله مه دیوانه سی یوخ طلعت رویینی جانا گوروب هرکیم دلی دیر باش دان آلمیش عاغیلین بیردنه فرزانه سی یوخ باخ بو کونلوم قوشونا آج دولانیر کویینده او قارا خال لبین دن سوا بیر دانه سی یوخ کیم ده اولسا بو ملاحت گوره نی شیدا قیلار تابلاشا درده منیم تک بئله مردانه سی یوخ دلی اولسام دا ناغیللارداکی مجنون دئییلم بیل حقیقتدی بو عشقیم یقین افسانه سی یوخ مرغ دل سالدی یووا زلف سیاهیندا سنین چونکی اوندان سورا بو دهریده کاشانه سی یوخ عشق بیماری دی کونلوم ای عربلی اولورم گؤنده ر
بؤلوم : وطن یکشنبه 15 آذر 1394 :: نويسنده : فتح اله پناهی عربلی
+0 به یه ن
معاصر غزل بو لجن گورکمین ای گول اوره یی قان ائلییر قاتیب احوالیمی البتته پریشان ائلییر قیسا بوی سان بیلیرم اما تاپیب سان چاراسین اوجا باشماقدی سنی سرو خرامان ائلییر ساختا کیپریکلرینی بیرده جوموق گوزلرینی او قارا گوزلوگون البتته کی پنهان ائلییر یاناقیندا یاییلیر ذوقله تن تن باتوتا باسدیریر چیل چوپورون بیر مه تابان ائلییر تانری حیرتده قالیبدیر اوزو مشاطه لره نئجه افسونیله عفریته نی جئیران ائلییر؟ کشکه عبرت ائلییه شهریمیزین شهرداری شهر ایچینده چالالار سوروجونو گریان ائلییر شورا مشاطه دن آلسا آزاجیق مشورتین شهرین آبادلیغینا گور نئجه امکان ائلییر اما پولدان گوزل اولماق ایشه چوخدا یاراماز آززاماندان سورا حیرانلاری پشمان ائلییر واخت اوتوب ائلچی گلیب دویمه سه بیردن قاپینی بیل سنی ساختا تیپین هر گوزه شیطان ائلییر غم یئمه هر دوگونون چاره سی واردیر آچیلار پول بوتون دردلری بو دهریده درمان ائلییر هاردا واردیر باخیجی بیر بیر آنان تاپمالی دی دییجک یاز باجیم اوغلو بیزه عصیان ائلییر میرزا اللهقلی نین گوجلو محببت دوعاسی نه قدر اولسا درین موشکولو آسان ائلییر ساغ الین قایچی یا چاتدیقجا قیسالد ساچلاری نی یئنی مودلاشما بالام شهریده طوفان ائلییر چوخدور اوغلان اوزونو اوخشادیر اولدوقجا قیزا قیزدا واردیر اوزونون گورکمین اوغلان ائلییر بیزیم عصمت لی حیالیدی آز اونجه ائلیمیز بو تزه کولتوره دولماقلاری تهران ائلییر اونلارین واردی گولوم میلی فرنگستانا چوخ اودو اوز عنعنه سین شوقیله نسیان ائلییر اوزگه عادتلری دویماق گوزلیم فخر دییل ساده لیک دیر حایادیر انسانی انسان ائلییر
گؤنده ر
بؤلوم : وطن شنبه 14 آذر 1394 :: نويسنده : فتح اله پناهی عربلی
+0 به یه ن
اوغلانا باخ قددی اوزون آغیلی اوشاق اوغلانا باخ اوغلانا باخ دئیسه آشار بیر شاپالاق اوغلانا باخ اوغلانا باخ
ترققی اولموش اساسی دلمه دئشیک دیر لباسی وار قولاغیندا سیرقاسی شالواریندا اون ایکی یاماق اوغلانا باخ اوغلانا باخ
دوشمز الیندن داراغی مکتبه هئچ یوخ ماراغی پارتی دان گلیر سوراغی بیر تولوق وئر ایچسین عاراق اوغلانا باخ اوغلانا باخ
آتماسا گر تیرامادولی نه صبری واردیر نه حالی دوز گئده بیلمزده یولی اولسا ییخار بیر بوغاناق توغلانا باخ اوغلانا باخ
پول اوسته ائوده چیغیرار عائیله نی جومله یورار کافه ده قلیان سومورار صوبح یاتیب آخشام دوراجاق اوغلانا باخ اوغلانا باخ
هی پیله مج تک پیله نیر بازاردا داییم سوله نیر الینده بیر قاب دیله نیر موتورونا تاپماز یاناجاق اوغلانا باخ اوغلانا باخ
اوزونه قویوب اوغلان آدی دانیشدیقی سوز هاوادی درس اوخویور یوخ ساوادی ذرره تاپیلماز قاناجاق اوغلانا باخ اوغلانا باخ
بویوک لره حورمتی یوخ رفتارینا دیققتی یوخ الینده بیر صنعتی یوخ کیشی لنیب آرواد آلاجاق اوغلانا باخ اوغلانا باخ
زامان چکیب تور گوزونه باخماز آتانین سوزونه هر سوزه قاییدیر اوزونه الده چوماق جیبده پوچاق اوغلانا باخ اوغلانا باخ
نه گلجیه تدبیری وار نه قالماغا بیر یئری وار بویون ساخلیان بیری وار صاباح اونا کیم یاناجاق اوغلانا باخ اوغلانا باخ
انسان اوشاق قالمیر اوغول آتا آنا اولمور اوغول اوزگه نظر سالمیر اوغول سنینده اولاجاق اوشاق اوغلانا باخ اوغلانا باخ
گرگ دیر کی ایشلیه سن پول گتیریب خشلییه سن چورگ تاپیب دیشلییه سن اولماز حیاتدا هی قوناق اوغلانا باخ اوغلانا باخ
آدام یولون سئچ مه لی دیر راحاتلیقدان کئچمه لی دیر اوز دونونو بیچ مه لی دیر بونا نه گرگدی قاشقاباق اوغلانا باخ اوغلانا باخ گؤنده ر
بؤلوم : وطن شنبه 14 آذر 1394 :: نويسنده : فتح اله پناهی عربلی
+0 به یه ن
آیریلیق بیلمه زیدیم ابدی بیر آیریلیق وار آتام آغیر خسته اولاندا بیلدیم سئون کونول سئودییندن آیریلار آنام ساچلاری نی یولاندا بیلدیم
بیبر آن دا ساق سولا دولاندی اوزو بیز لری گورمه یه آچیلدی گوزو بیر معنالی باخیش اولدو سون سوزو گوزلری قان یاشلا دولاندا بیلدیم
باغلادی گوزلرین کسیلدی نفس داها قولاقیما گلمه دی بیر سس سببین بیلمه گه ایله دیم هوس قوللارین یانینا سالاندا بیلدیم
ییغیشدی قونشولار یاییلدی خبر آغ دونو گئیمه گه چکیلدی چپر مرکبی گتدیلر باشلادی سفر تانیشلار چینینه آلاندا بیلدیم
شرعی طریقت له قویولدو قبره عالیم آغلایانی چاغیردی صبره اوردان قاییتماقیم دوننده جبره مزاردا تکینه قالاندا بیلدیم
هامی دوندو ائوه بیر او گلمه دی آخان گوز یاشیمی گلیب سیلمه دی سوندو سوسوزلوقدان بیرده گولمه دی قیزیل گول قاپیدا سولاندا بیلدیم گؤنده ر
بؤلوم : وطن جمعه 13 آذر 1394 :: نويسنده : فتح اله پناهی عربلی
+0 به یه ن
ارشاد ارشاد بوقدر سویله کی بیزدن نییه قورخور؟ بیزکی یازیریق هرنه یی اوزدن نییه قورخور؟ اونلار کی بو درنک ده کلیب شعر اوخویوللار بیربیر کئچیلیر یازدیغی گوزدن نییه قورخور؟ چین دن گتیریلمیش قلمین فایداسی هارد؟ مارماقسا بیزیم جوهری سیزدن نییه قورخور؟ هر بیر یازیلان سوزجوکو حدداد یارادمیش بیرجه دوزولور جومله یه بیزدن نییه قورخور؟ نوطق انسانا الله طرفیندن کرم اولموش نظمه چکیلن ساده جه سوزدن نییه قورخور؟ ائو موشکولاتی بیرده کی تقدیر زمانه چوخداندی سالیب دیر بیزی دیزدن نییه قورخور؟ بیر خان کی اولور هاممی اونون امرینه باغلی بدباخت نوکردن یا کنیزدن نییه قورخور؟ سرعتله قاچان دوشانی فی الفور توتانلار باتلاقدا بو گون باتمیش اوکوزدن نییه قورخور؟ ادخال قلمی چرچوبه دن بیر یانا چیخماز ایندی ده گورک سن بیزه دوزدن نییه قورخور؟ گؤنده ر
بؤلوم : وطن جمعه 13 آذر 1394 :: نويسنده : فتح اله پناهی عربلی
+0 به یه ن
چورگ چورگ قاچیر من قاچیرام دالینجا جان قوجالیر بیرجه تیکه آلینجا من پیادا سانکی او بیر آت لی دی چاتانمیرام گر قاچام قارالینجا اولمادی بیر گون بو گئنیش دونیادا باش قویاسان ائوده راحات بالینجا باخ بو حیاتدان بیر اولوم یاخجی دی واخت وده سیز دونیادا قوجالینجا یاتما گئجه یارسی دو گئت میدانا فعله گزن گوزله گوز سارالینجا تاپیلماسا ایش یئنه چول یاخجی دی قاییدیب ائوه دانلاق آلتدا قالینجا کاسیبلیغین بیرجه منم سوچلو سو چک میر اوشاق ال باشیمی یولونجا نیلئییم آرواد منی دوشمور باشا هی باغیریر قولاقلار کار اولونجا گؤنده ر
بؤلوم : وطن جمعه 13 آذر 1394 :: نويسنده : فتح اله پناهی عربلی
+0 به یه ن
شهریار کاغاذ گولومسه دی قلم اوینادی او گون کی دونیایا گلدی شهریار یاییلدی هریانا خشگناب آدی بیرآز کی باخ یاشا دولدو شهریار
مین عالم دوغولدو بیر عالم ایچره عومور سالدی یولا غصه غم ایچره بوغولدی گوزلری هرآن نم ایچره کونلونه مین داغی سالدی شهریار
نه ایدی ایسته یی نه ایدی دردی؟ بئیم ثریانی بیرجه او گوردو اوزلوگون بئله بیر سئوگی یه وئردی؟ خوش گونه تامارزی قالدی شهریار
بو حاقدیر گوزونه او بیر نازیدی امما قیزلار کیمی اودا قیزیدی گئنیش کونلونه بو سئوگی آزیدی بیر ائلین وورغونواولدو شهریار
گورمه یه یوللاندی حیرباباسین اوز ائلیندن آلدی خئییر دوعاسین قویدو او بولگه ده ادب بناسین عالمی حیرتلی قیلدی شهریار
دیلینده بیرلشدی بولونموش اوره ک سوزیله دیرچلدی مین آرزی دیلک گوردو اوز ایشی نی بیلک بیلمییک دوزمه دی آغری یا سولدو شهریار
بیرجه بیزیم دئییل دونیانین دی او هر بیر اهل حالین شیدانین دی او بویوک یاریشمانین میدانین دی او ظفر نغمه سینی چالدی شهریار
اوزون تندیس یونان یئرسیز اینجیدیر بو شانه شهرته او تندیس نه دیر ؟ ان بویوک هیکلی اوره کلرده دیر محببت قانانا یولدی شهریار گؤنده ر
بؤلوم : وطن پنجشنبه 12 آذر 1394 :: نويسنده : فتح اله پناهی عربلی
+0 به یه ن
حورمتلی دوستوم جناب نظرپورون باجاناق شعیرینه جاواب باجاناق هنرین جوهری ای دویغولو شاعیر باجاناق مین بیر اعجازیله سوز یازماغا قادیر باجاناق سئوگی حاققیندا دئدیم گوجلو چالیرسان قلمی شاعیر انسان دا بئیم بیر سوزه اینجیر باجاناق سیزی اینجیتمه یه بیر ایسته ییم اولسایدی اگر وار گوجومله ائلییردیم قلمی تیر باجاناق یاغدیراردیم باشینا بومبا کیمی هی هاوادان سن لهستان ائله بیل منده کی هیتلر باجاناق پوشکونه یاخجی سی دوشدو دئمه دیم دیلده بیر آن لاپ پیسین یازدی منه گور نئجه تقدیر باجاناق هر قوناقلیقدا یئدین سن خوروزون دوش بودونو آزاقاققانی منه توللادی کفگیر باجاناق جمع اولاندا چاغیریلدین بالا مجلیس باشینا چایچی اولدوم یاداکی پیکانا شوفیر باجاناق شانسیم اولسایدی اگر آنلیان ایستردی منی یوخسا تاپمازدی بئله بانلیان آخیر باجاناق وار اوره گده ائله نیسگیل یئری یوخ بوردا دییم آچمیاق اوستونو قالسین آرادا سر باجاناق سئوگی تک انسانا شامیل اولا بیلمز بیلیرم ان اساس سئومه لی دونیاده وطن دیر باجاناق یازدیقیم جیزماقارا طنزده اولسا آجی دیر گتیریب تنگه یازیم چوخلو اکابیر باجاناق شوکور اللها بوتون موضوعدا یازمیش قلمین اوخویورسیز بیزه درنک ده ده بیر بیر باجاناق شعریوین دویغوسو هربیر کسی حیرتده قویور نئجه کی آغزی آچیق قالدی عجبشیر باجاناق من دئسم چون قوهوموق بلکه ده اغراق ساییلار قیلسین اقراری بونو یا قوجا تفسیر باجاناق قارا دفترده گئدیب دیر آدینیز فخر ائلیین قویار البتته بو گنج انسانا تاثیر باجاناق ائله هم یاشدا بویوک سیز همیده باشدا بویوک وارلیغیز تانرییا ائتمیش منیشاکیر باجاناق گورونور ذکر علی دیر دیلیزین ازبری چوخ خوش اولار شعر آدینیز گر اولا ذاکیر باجاناق بیزه اولسون نظریز چونکی نظر صاحبی سیز گوناهیم اولسادا کئچ بالدیزا خاطیر باجاناق جان دییب جان اشیدک هاممینی حیرتده قویاق قالایاق دوشمانی یاندیر ماغا تندیر باجاناق گؤنده ر
بؤلوم : وطن |
||
باغلانتی لار
سون یازیلار
آرشیو
|
||