|
بلاقا گؤره یولداش لار سایغاج 
عربلی تورکجه طنز شعیرلر پنجشنبه 15 مهر 1395 :: نويسنده : فتح اله پناهی عربلی
 +0 به یه ن
گئدیرم قانادی سینمیش بیر قوشام انساتلاردان یورولموشام جهنمه دونوب یاشام گئدیرم اللهی تاپام صداقتله یوخ سئوه نیم بیلمیرم کیمه گووه نیم حاضیرلانیب دی کفنیم گئدیرم اللهی تاپام سئوینج اکیب درد بیچیرم آغیز دولو قم ایچیرم داها دونیادان کوچورم گئدیرم اللهی تاپام گول اوستونه یاغیش یاغمیر آنالار مرد اوغول دوغمور ایگید گلیب یاغی بوغمور گئدیرم اللهی تاپام دونیانین آغیلی چاشیب گوزللیک لر ساختالاشیب صبیر کاسام یامان داشیب گئدیرم اللهی تاپام یئر کوره سین ظولم آلیب دی انسانلیقدان آد قالیب دی روحوم یامان قوجالیب دی گئدیرم اللهی تاپام عربلی
آردینی اوخو  گؤنده ر
بؤلوم : وطن یکشنبه 25 بهمن 1394 :: نويسنده : فتح اله پناهی عربلی
+0 به یه ن
بئکارچیلیق
بئکارچیلیق قیش گتیردی عومرومه سئوینجه اوره ییم یاز تاپا بیلمیر دولاندیقجا گوزوم باخ بوشهرده وئییل وئییل گزن آزتاپا بیلمیر یئتنه اوز ویریب اوزدن دوشموشم تانیشلار یانیندا گوزدن دوشموشم آختارا آختارا دیزدن دوشموشم اللریم دویمه یه دیز تاپا بیلمیر چوخ لاری من کیمی بئکار دولانیر کدردن موحنت دن آلیشیب یازیر اوره کده بو اودون کوزو قالانین آنجاق اوجاقینا کوز تاپابیلمییجم آتالار اللری یامان قاباردی تاپدیغینی دانشگاهلار آپاردی اوغول مدرک آلیب هله بئکاردی ائوینده دادماغا دوز تاپابیلمییجم کیمین وار آدامی،وار اعتباری تاپیلماز نسلینده بیرجه بئکاری باخاندا اولکه یه اوزو یوخاری گوزوم بیر نفرده دوز تاپابیلمیر درس اوخویوب، درده،غمه دولموشام کاغیذ اوسته بیر مهندیس اولموشام قیرخ یاشیندا هله سوبای قالمیشام گوره ن دییربلکه قیز تاپابیلمیر ائلچی لیکده سوروشوللار واریمداواریمدان قازانجیمدان،پئشه مدن،دیناریمدان گوزوم باخیر دیزلریمه عاریمدان دیلیم دانیشماغا سوز تاپابیلمیر یوردومون نه قدر گورون نازی وار حایالی،عصمت لی، گوزل قیزی وار والله ایشسیزینده گوره ن گوزو وار دویمه یه قاپی سین اوز تاپابیلمیر گؤنده ر
بؤلوم : وطن شنبه 17 بهمن 1394 :: نويسنده : فتح اله پناهی عربلی
+0 به یه ن
ساری گئت سین دونیا دئدیین کوهنه دییرمان، ساری گئت سین دارتیر گئجه گوندوز دنی انسان، ساری گئت سین کاروان سارادیر هر گله نین دونمه سی البت سنده اوزونو بیل بورا مهمان، ساری گئت سین واخت چاتدیغی آن خیلخالاییر تئز ملک الموت باخمیر بونوکردیر یادا سولطان ساری گئت سین جنت ده، جهنم ده بودونیاده دی قارداش اولما بئله بیر دردیله نالان ساری گئت سین اویدیرما روایت لره مداحه اینانما چون رزقی مقرردی بویولدان، ساری گئت سین مومن اودوکی تانری یا قلبینده اینانسین یوخ ارزشی بو دیلده کی ایمان، ساری گئت سین خالیق اتکی لاب بئله اولدوقجا بویوک دی قیماز یانا هئچ بنده نی رحمان، ساری گئت سین دیندن ده قاباق سن بالا انسانلیغا بند اول گر بوندان اوزاق اولدو موسلمان، ساری گئت سین ال چیرکی دییرکن بیزی آلداددی بو پوللی نینک بونا سن اولما پریشان، ساری گئت سین ساغلاملیق اوزو انسانا سرمایه دی والله وئرمه بوقدر غصه، غمه جان، ساری گئت ایمکان قدری دونیادا انسان لاری سئو سن معشوقدو نه دی، سئوگیلی، جانان، ساری گئت سین مجنون ائلیین قیسی بئکارلاردی، نه لیلی کیم دیر اوصنم، عاشیقی صنعنان، ساری گئت سین بیر قیز سنه چوخ ناز اله سه بوینونو بورما بو دووری ده گور بول نه دی قیزدان، ساری گئت سین قالما الی قوینوندا آ قیز اوغلانا خاطیر مین لرجه شهرده بئکار اوغلان، ساری گئت سین جهد ایله تامام لذتی نی داد بو حیاتین دوشمز اله بیرده بئله دوران، ساری گئت سین
گؤنده ر
بؤلوم : وطن چهارشنبه 2 دی 1394 :: نويسنده : فتح اله پناهی عربلی
+0 به یه ن
گوشی یئر توتوب دیر اول قدر حوسن و ملاحت گوشی ده بونجادیر داییم اولور بد باخت جماعت گوشی ده عاشیقه لازیم دئییل چرشنبه لر چشمه باشی چونکی واردیر هر زامان سئوگی محببت گوشی ده بیر بولاق دیر هر گروه آلمیش گوزللر دوره سین سیفعلی فیش وئرمه یه تاپدی جسارت گوشی ده ایندی دوستلوقلار خیاوانذان چکیلمیش پی وی یه ایله شیب سئودالی لار ائوده قیلیر چت گوشی ده شکلینی گوندر عیان کیمدیر قارانلیقدا گوره؟ باخ نمایان دیر تامام هر سرو قامت گوشی ده بوردا نه قونشو تانیش واردیر نه مامور گیر وئره یوخدو بیر کس عاشیقی قیلسین ملامت گوشی ده گورمه یه هر انسانی سیز باشقا یئر آختارمایین چون تاپارسیز هر کیمی اولدوقجا راحت گوشی ده یاشلی یاشسیز تلگرامدا گونده جولان ائیلییر ماندانا سکینه خالا سامان حاج عززت گوشی ده هاردادیر طعن ائیلیین لر حوکمتی ایشسیز لیگه گور نئجه شاغیل قیلیب دیر خالقیدولت گوشی ده باش قاتیب دیر جومله عالم بیر بئکار یوخ قارداشیم وار بیری ایشسیز لیگه ائتسین شکایت گوشی ده؟ باتمامیش گون کئچدی بیرده صوبح نامازیندا چیخار چون موسلمان دیر ائدیر هر آن عبادت گوشی ده لیس الالانسان الا ما سعی دن درس آلیب مکتب قرآنه خاطیردیر بو عادت گوشی ده ایندی دوران باشقادیر چون تسبیحه یوخ احتیاج ذکر ائدیر شوقیله هردم جومله میللت گوشی ده هر کیمین گر ائوده واردیر بیر هئجر غیرتدی سی بعضا او الدن آلیر چوخ وار شماتت گوشی ده گؤنده ر
بؤلوم : وطن دوشنبه 30 آذر 1394 :: نويسنده : فتح اله پناهی عربلی
+0 به یه ن
یلدا گئجه سی قارداش ائله یلدا کیمی عومرون اوزون اولسون سفره نده گوروم بوللی چورگ له دوزون اولسون بوشن گئجه نین پوسته بادام شیرنی سی قات قات ایام باهالیقدا شیرین قارپیزین اولسون یارانه وی عومرونده گوروم کسمه سین الله بیر کیمسه ده یوخ تک اوز الینده گوزون اولسون بوش گلمه یه سن اودلی بازاردان ائوه آخشام آرواد اوشاغا باخماغا بلکه اوزون او.لسون چهره نده اصیل بیر کیشی لیک گورکمی دورسون هم درس ادب وئرمه یه ائوده سوزون اولسون کانون محببته شامین داییمی یانسین سن نوقطه ی پرگار قیراق اوغلون قیزین اولسون زهر ایله مه سین چیلله نی آرواد بو سویوقدا ایلک قاپی نی چالان کس باجی یوخ بالدیزین اولسون آلسین یانی نی قوی باجاناقلارلا قایین لار گولسون خانیمین بلکه بو قیشدا یازین اولسون سالما یادابیر دوغما باجی قارداشی هئچ واخت اونلار داها کیم دیر کی یولوندا گوزون اولسون اولدوقجا چالیش قاینه نه یه حورمتین آرتسین قایدابودو بو شرطیله ائوده ایزین اولسون گؤنده ر
بؤلوم : وطن پنجشنبه 26 آذر 1394 :: نويسنده : فتح اله پناهی عربلی
+0 به یه ن
تضمین
هیجران غمی الدن آلیب آرام و قراری ایللردی گوره بیلمیرم او نازلی نیگاری بیلمم نئجه آرام ائلئییم بو دل زاری
اولدوز سایاراق گوزله میشم هر گئجه یاری گئج گلمه ده دیر یار یئنه اولموش گئجه یار
باختیم یاتیبان گور ایشیم اولدو نه یامان نص عومروم آغاجی باری نی سالدی یئره نارس بایقوش کیمی قالدیم نئجه ویرانه ده بی کس
گوزلر آسیلی یوخ نه قارالتی نه ده بیر سس باتمیش قولاغیم گورنه دوشورمکده دی داری
یاریم منه غملرله بو دونیانی دارالدیب آیدین گونومو قیلدیقی ظولمیله قارالدیب عشقی له تاپیب شهرت آدین ائلده اوجالدیب
از بس منی یاپراق کیمی هیجرانلا سارالدیب باخسان اوزونه سانکی قیزل گولدی قیزاری
سینه مده اوره ک پارچالادی خنجری قاشلار آخدی بو گوزومدن یئره هئی سئل کیمی یاشلار ائل ایچره مثلدی دلی گورسه دلی خوشلار
گوز یاشلاری هر یئردن آخارسا منی توشلار دریایه باخار بللی دی چایلارین آخاری
ظولمیله خزان قیلدی جدا بولبولو گولدن دوشدوم آرالی گور نئجه مجنون کیمی ائلدن اولسم ده اینان عشقیسیلینمز بو کونولدن
اولدوم قارا گون آیریلالی او قارا تئلدن بونجا قارا گونلردی ائدن رنگیمی ساری هر گون اویانیب آینا قاباقیندا دورار صوبح
گیسوی پریشانی نی ذوقیله دارار صوبح یول گوزله مه سی قلبیمی اولدوقجا یارار صوبح گلمز تانیرام باختیمی ایندی آغارار صوبح باش بویله آغاردیقجا داها قاشدا اغاری
بیر یار کی یارین آلماغا جانین قییاجاقمیش افسونیله مین درده دوچار ائیلیه جاقمیش شمشیر جفائیله اوره ک دوغرییاجاقمیش
عشقین کی قراریندا وفا اولمیاجاقمیشس بیلمم کی طبیعت نییه قویموش بو قرار یالواردیم اونا رشته ی اوممیدیمی قیرما بیجا یئره سسلندی یازیق روحینی یورما کئچدی گوره سن بیرده منی بوینونو بورما
ریشخندیله قیرجاندی سحر سویله دی دورما جان قورخوسو وارعشقین اودوزدون بو قوماری گؤنده ر
بؤلوم : وطن پنجشنبه 26 آذر 1394 :: نويسنده : فتح اله پناهی عربلی
+0 به یه ن
فتیله بوقدر یاخچیلیق ائدندن سورا اوز اولدو ایپگیم اوجوز میتیله اوزاقدان یاخیندان گودندن سورا نه دن دولاشدی بو تورکه فیتیله
ساواشدا قورخودان هئی گئری قالدی اوز به اوز دوشمانلا باکیری قالدی او بیر شهید اولدو بو دیری قالدی ایندی باخیر بیزه پیس نییتیله نه دن دولاشدی بو تورکه فیتیله
وطنداش ساناراق کئچدی حورمتیم اولمادی هئچ زامان آزار اذییتیم بو اولدو آخیردا منیم قیمتیم عرب لر اوینادی اونون گ....... ندن دولاشدی بو تورکه فیتیله گؤنده ر
بؤلوم : وطن سه شنبه 24 آذر 1394 :: نويسنده : فتح اله پناهی عربلی
+0 به یه ن
مناجات کرم قیل دونیادا یارادان الله بولبولو گولشن ده گول سیز اولماسین کئچل لیگی قالدیر آرادان الله کیمسه تئللی کیمسه تئل سیز اولماسین
آچ دیلی نی قوی دانیشسین لال لاری اوره کده قالماسین قیل قال لاری چال چاغیردا پوزولماسین حال لاری قولاقی کار اغزی دیل سیز اولماسین
وئر تزه دن گورمه یه نین گوزونو گوزگو قاباقیندا گورسون اوزونو گوزللیگه باخیب دئسین سوزونو قولوندان توتولان ال سیز اولماسین
خسته لرین دردینه بیر قیل علاج اولماسین هئچ مردی نامرده موحتاج دونیادا بیر قاریندا قالماسین آج یوخسولون کورپه سی حال سییز اولماسین
حوققا بازلارقورماسینلار تله سین حاممالین بئلیندن یئندیر شله سین یوک ییه سی چکسیسن اوزو مله سین کیمی پوللی کیمی پول سیز اولماسین
اوشویه نین ال ایاغین قیزیشدیر یولچی لاری یولچیلیغدان ییغیشدیر سئون لری بیر بیرینه قووشدیر سئوگی محببت ووصال سیز اولماسین
بد نظری دونیامیزدان یوخ ایله حکیم لربن دار گوزونو توخ ایله حاق دوشونوب حاق قانانی چوخ ایله حقیقته بیر مئییل سیز اولماسین
بیر نظر سال ائوده قالان قیزلارا آچ دوگونو موشکولو اولسون چارا سوبای لاردا سوبایلیقدان قورتارا توی توتولسین تار قاوال سیز اولماسین
کرم قیل سن اوشاقسیزا اولادی شیرین اولسون اونا حایاتین دادی بیرده آتا آنا دئییلسین آدی هئچ کیشی نی اهل عیال سیز اولماسین
بولو.د لارا حوکم ائله چوکسون یئره گول چیچک بورو سون یئری یکسره سئون سئودیگینه دریب گوندره شیریلداسین دره سئل سیز اولماسین
قویون قوزو هارینناسین مله سین چوبان داغدا هئی توتگین پیله سین اوروشونه یام یاشیللیق دیله سین جیران اوتسیز صونا گول سیز اولماسین
خیرخواهدان ایراق ائله هر شری کیشی لرین بوش اولماسین جیبلری قووشدیر یوردونا سن غریب لری آدام سیز اوباسیز ائل سیز اولماسین
دایاندیر دونیادا آخان قانلاری خانلارین خئیرینه گئدن جانلاری اوزگه آماجینا او قوربانلاری دونیامیزدا قوللو قولسیز اولماسین
هر بیر یانی چنگینه آلسین باریش دوزگون رقابتله قورولسون یاریش حاکیمی اولماسین هر ایشین قوروش یوللو یولسیز چوللو چولسیز اولماسین
شهرلی نین آج قارینین دویو.رانی کتدیلردی ملال گورمه سین جانی بول اولسون همشه سوتو ایرانی قابباجادا ایتده یالسیز اولماسین
اجابت قیل عربلی نین دوعاسین اومود باغلادیغی بو التماسین اوچورتماسین قضا قوشلار یوواسین کورپه سی قوینوندا کولسیز اولماسین گؤنده ر
بؤلوم : وطن یکشنبه 22 آذر 1394 :: نويسنده : فتح اله پناهی عربلی
+0 به یه ن
اولاندا بولاق لارین سرین سویو آزالار داغلارین زیروه سی قارسیز اولاندا آتا آنا واخت وده سیز قوجالار اکدیگی دوغدوغو کارسیز اولاندا
پیس عادت عنعنه آلیب دونیانی گوز آلتدا ساخلاییر انسان انسانی گورنلر قینایار قوجا باغبانی بئجردیگی باغچا بارسیز اولاندا
اصیل انسانلیقا اعتبار گرگ نه دولت گرگدی نه ده وار گرگ سئوینجه دولماقا بیرجه یار گرگ غم کدر اولدورر یارسیز اولاندا
عاغیل دان کاسیبلار یارنه دی قانماز آتانین آنانین حالینا یانماز یاتدی دونیا باتا بیرده اویانماز عومور بئله اوتور عارسیز اولاندا گؤنده ر
بؤلوم : وطن شنبه 21 آذر 1394 :: نويسنده : فتح اله پناهی عربلی
+0 به یه ن
حورمتلی نرگس صادقوند خانیمین دانلاما شعیرینه جاواب گرگ دانلاناسان درسینی تحویل آلماغا سوز قولاغیندا قالماغا ایشینده گوجلو اولماغا باجیم گرگ دانلاناسان
اولسا اگر سنده یئری دانلاماقین وار خئییری یاخجی یازارسان شعیری باجیم گرگ دانلاناسان
داها دئییل قدیم زامان ائو ایشی وئرمه سین آمان فراغتیز چوخدو اینان باجیم گرگ دانلاناسان
یوخ باشیز اوسته قاینه نه ائوده گله فشار سنه بو عیللته دئییم یئنه باجیم گرگ دانلاناسان
واردی نه قدری فرصتین ذکاوتین فراستین یازماغا قابلییتین باجیم گرگ دانلاناسان
واختین اوتور زنگ ایشینه بالدیزیلان جنگ ایشینه اوز باجینلا انگ ایشینه باجیم گرگ دانلاناسان
ایندی ائوده ایشین نه دیر بیرجه یئمک پیشیرمه دیر آشا آشا اوشورمه دیر باجیم گرگ دانلاناسان
صوبح یوخودان اویانمامیش دئمه گلدی چرچی خانیش قونشولارلا سن آز دانیش باجیم گرگ دانلاناسان
آغاج اودون دهره سی یوخ اییرمه گه جهره سی یوخ چالخاماغا نهره سی زیوخ باجیم گرگ دانلاناسان
ایندی اون اله مک هانی کونده کونده له مک هانی یا اوشاق بله مک هانی باجیم گرگ دانلاناسان
سویله اینک ساغان وارمی چولده پنبه ییغان وارمی؟ یددی اوغول دوغان وارمی؟ باجیم گرگ دانلاناسان
نه دیر ائوده قاتقاریشیق ایکی بشقاب ایکی قاشیق یومورسان قالیر بولاشیق باجیم گرگ دانلاناسان
پالتارینی ماشین یویور یئر آلمانی رنده سویور سوزون وارسا ایندی بویور باجیم گرگ دانلاناسان
بیرجه ارین بیرجه اوشاق توکورسن ائله قاشقاباق زهرمارلا دولور طاباق باجیم گرگ دانلاناسان
اولسا ارین قلبی قارا واردی بو موشکوله چارا یاخجی یاز اوزو یالوارا باجیم گرگ دانلاناسان
یورغون ایشدن ائوه گلیر نه بیر یاتیر نه دینجه لیر اوشاق الینده گیجه لیر باجیم گرگ دانلاناسان
یازیق اوزون یورا یورا سنده دییرسن افترا ایندی بو تهمته گورا باجیم گرگ دانلاناسان
شعرینین اولسا اشکالی گلیر بونوما وابالی قالمیاسان بیرده دالی باجیم گرگ دانلاناسان
وار بیلیین وار ساوادین ایسته رم اوجالسین آدین فخر ائله سین بو اوستادین باجیم گرگ دانلاناسان گؤنده ر
بؤلوم : وطن |
||
باغلانتی لار
سون یازیلار
آرشیو
|
||