شاعیر
یئرسیزبئله دونیاده آغارتما باشی شاعیر
جهد ایله ائلین غم یوکونوسن داشی شاعیر
کسگیندی قیلینجدان قلمین قدرینی بیلسن
قیل دردی بیان قوی راحات اولسون بشی شاعیر
درک ایله مه سن باخ سنی هریئرده قیناللار
خالقین او گوزوندن سوزولن قان یاشی شاعیر
قالدیرما گویه مدح ایله کبباده ی شعری
واضحدی سوزاهلی دییرالبت ناشی شاعیر
وصف ایله دیین کس ایچی بوش بیرهاواشاری
ظننیمجه ناحاقدان وئریریک بیزشیشی شاعیر
دستمال گوتوروب سن کی یازیرسان پیسی یاخجی
سندن گوج آلیب داییم ایتیلدیردیشی شاعیر
کئچدی او زامان شاعیره شاهلارصله وئرسین
بوندان بئله اولماق آسیلی یوخ توشی شاعیر
عززتله سئچیردونیاداایندی خانی رعیت
گودمور گله اربابلار ائویندن آشی شاعیر
قدد اولسا اوزونداسسه خاطیراییلیللر
هرکیمدی دوشورمیللته بیر گون ایشی شاعیر
تاریخ بویوباخسان بیرآغیر کولتوروموز وار
واخت اولسا واراقلا آزاجیق کئچمیشی شاعیر
باخ گوربودیاردانئجه تقدیردییشیبلر
عشق ایله دانیب وارلیغی مینلر کیشی شاعیر
گورسن دوداقیمدا گولوشو بیل آجی درد دیر
چون آغلاماغا گوزلریمین یوخ یاشی شاعیر
چیرپینماغا واردیرسببیم جوورفلکدن
سالمیش قفسه سان اوچاغان بیرقوشی شاعیر
توکمه دوزومرهم یئرینه سن یارام اوسته
اینجیتمه اوزوندن بوقدریولداشی شاعیر

گؤنده ر