بلاقا گؤره




بؤلوم لر
یولداش لار
     
سایغاج
rss feed
عربلی
تورکجه طنز شعیرلر
آنا یارپاق       وطن       ایلگی      
جمعه 1 اردیبهشت 1396 :: نويسنده : فتح اله پناهی عربلی
+0 به یه ن
اوروجلوق 

یئنه ده گلدی اوروجلوق بالا،شعبان قاچاجاق 

یئنه بازاردا ثبات اوز توتاجاق یان،قاچاجاق

تاپاجاق فرصتی بو آیدا موسلمان ساتیجی 

وئره جک جنسی باها اولکه ده ویجدان قاچاجاق 

مین موصیبت له آلیردیق او قانادسیز تویوغو 

باهالیقدان گوج آلیب بیزده قازاندان قاچاجاق 

خورمانین روونقی باققال تاماخین آرتیراجاخ 

اونو آلداتماغا بو شهریده شیطان قاچاجاق 

بوشالیب معده. باغارسیق دیه جک بیربیرینه 

دوداق عطشان اولاراق اوز سارالیب قان قاچاجاق 

باغلی قالمیشدی مچید لر قاپی سی بیر نئچه آی 

بکه یا الله اوچون اوزده موسلمان قاچاجاق 

موفته خورلار دولانیب شهری ایاق باش پیادا 

گوزونو دورد آچاراق هاردا وار احسان قاچاجاق 

آج قارین لاب آچاجاق اشتهاسین حاق یییه نین 

تلسیب حاق یئمه یه بیرده شتابان قاچاجاق 

گر توتارسا اوروجو وارلی صوبح، آخشام یاتاجاق 

یوخسول آنجاق چوره گ آردینجا اوباشدان قاچاجاق 

تئز قاتیلسین شهرین دردلی او ایشسیز لرینه 

اولاجاق مقصدی البتته کی مئیدان قاچاجاق 

اولماسا ایش، قالاجاق گون باتانا دونمه یه جک 

ائوده وار دانلایانی، آرواد، اوشاقدان قاچاجاق 

تاپسادا ایش گلیری احتیاجین گورمه یه جک 

باخاجاق قیمته بازاردا پریشان قاچاجاق 

سن اینانما آج اولان باشقا آجی یاده سالا 

قارین آج اولدو مثل وار بالا ایمان قاچاجاق




 عربلی




گؤنده ر 100 درجه کلوب دات کام گؤنده ر
بؤلوم : وطن
چهارشنبه 30 فروردین 1396 :: نويسنده : فتح اله پناهی عربلی
+0 به یه ن
دئدیم   -   دئدی

دئدیم آرواد باهالیقدی  منی سالما فشارا 

دئدی وار بو هامییا ماهنا گتیرمه بئکارا 

دئدیم آنجاق هامینین بیر دئییل آیدا گلیری 

دئدی بلی بیلیرم یوخدو سنین تک آوارا 

دئدیم البته گورورسن کی چالیشغانلیغیمی

دئدی مین بوینوما بو گتدیین اوچ دورت دینارا

دئدیم آزدیر گلیریم  آرتماغا یوخدور چاراسی

دئدی واردی چارا دینمه باخیر آنجاق چیخارا

دئدیم  اولسا چاراسی سویله گولوم منده بیلیم 

دئدی ایش اوسته اولانلار نئجه گور چاتدی وارا

دئدیم آرواد یانی من مملکته اوغرو اولوم؟

دئدی سن بیرجه دوز اولسان دوزه لر آی بئچارا 

دئدیم اولسم ده آجیمنان گوره بیلمم بو ایشی 

دئدی ایستر بو ایش عورضه سن هارا عورضه هارا؟

دئدیم آز اولسادا وار فخری حالال دیر چوره گیم 

دئدی قالسین بو حالال دوز چوره گین زهر مارا 

دئدیم  انصاف اله سن آزقالیرام سکته ائدم

دئدی نئیلیم  ییخیل اول  یا دلی تک دوش هامارا

دئدیم اوز خرجینه بو ائوده بیرآز دیققت اله

دئدی گوررم یئییریک  قیرما کاباب بیز ناهارا

دئدیم ات آلماغا چاتمیر معاشیم طعن ائلمه

دئدی بس باغلا بیزی گونده لاواشدان، کاوارا

دئدیم اولمز یییه اینسان تره وز وار خئییری 

دئدی دوندر بیزی سن اوندا بوگون مال داوارا

دئدیم اولماز بو نه سوز؟ قوربانام اوز جئیرانیما 

دئدی سیرتیلما دیلین  گونلریمی قیلدی قارا 

دئدیم ایلک گوندن اله من سنی جاندان سئویرم 

دئدی گلمز آ یازیغ بوش جیبه بو سئوگی کارا 



عربلی smiley21




گؤنده ر 100 درجه کلوب دات کام گؤنده ر
بؤلوم : وطن
یکشنبه 27 فروردین 1396 :: نويسنده : فتح اله پناهی عربلی
+0 به یه ن
شیطان و حاجی

بیر نفر گوزلری کور، هم ده فلج 

عربستانه گئدیر ، مقصدی حج
 
باغلاییر احرام، ایاغلار یالینا 

باشلاییر مکه ده حج اعمالینا 

قاچابیلمیر صافا، مروه  آراسین
 
بو اوره یینده دئشیر لاب یاراسین

قاییدیر منزیله چوخ قملی یاتیر 

صاباحی شیطانا داش آتما چاتیر 

ییغیر او یئرده کی داشدان الینه 

هئی گلیر ایبلیسه لعنت دیلینه 

اوخویور تئز تئز اوره کدن، جاندان

پناه الله خبیث شیطان دان 

جوشور البته کی غیرت داماری
 
توللاییر داشلاری شیطانه ساری
 
بو عملدن سویودوب نفرتینی 

ابلیسین جلب اله دی دیققتینی 

باخدی او پیس گونه قالمیش وضعینه 

هم چولاق قیچلارینا، کور گوزونه

توتدو شیطان یاخاسین وئردی سئوال 

نه سبب دندی دنن سنده بو حال ؟

نه اولوب دیر ده گوروم سن ،گوزونه؟
 
بیرده کی بو حرکت سیز دیزینه؟ 

 دئدی کافر بولار الله ایشی دی 

همی قادیر همی رحمان کیشی دی
 
راضییام من تاری نین حکمتینه 

هر قدر ده بئله دوشسم چتینه 

نقمتی اولسادا بیر نعمت دی 

اجرین البت صاباحا جنت دی 

دئدی شیطان یارادیب تانری سنی
 
نه اوچون سن داشا توتدون به منی ؟

منه بس سن نییه توکدون آجی نی؟
 
هاردا توتدوم آنانی، یا باجی نی ؟

بیری دیلدن سالیب او وار یوخونو

ده ندن چکمه لی یم من پوخونو؟

ایتیریب سن باشینا داش سالانی 

بالا ساغلاملیغی سندن آلانی

کعبه دیر باخ اورا اللهین ائوی 

سنی بو درده سالان شاهین ائوی 

دورما گئت تئز آچارام ایش باشینا
 
هم اوزونده تاپارام یئر داشینا

ائدرم نکوارینی  قول اوزومه
 
بیرده گر بوردا گوروکسن گوزومه


عربلی




گؤنده ر 100 درجه کلوب دات کام گؤنده ر
بؤلوم : وطن
یکشنبه 27 فروردین 1396 :: نويسنده : فتح اله پناهی عربلی
+0 به یه ن
شیطان و حاجی

بیر نفر گوزلری کور، هم ده فلج 

عربستانه گئدیر ، مقصدی حج
 
باغلاییر احرام، ایاغلار یالینا 

باشلاییر مکه ده حج اعمالینا 

قاچابیلمیر صافا، مروه  آراسین
 
بو اوره یینده دئشیر لاب یاراسین

قاییدیر منزیله چوخ قملی یاتیر 

صاباحی شیطانا داش آتما چاتیر 

ییغیر او یئرده کی داشدان الینه 

هئی گلیر ایبلیسه لعنت دیلینه 

اوخویور تئز تئز اوره کدن، جاندان

پناه الله خبیث شیطان دان 

جوشور البته کی غیرت داماری
 
توللاییر داشلاری شیطانه ساری
 
بو عملدن سویودوب نفرتینی 

ابلیسین جلب اله دی دیققتینی 

باخدی او پیس گونه قالمیش وضعینه 

هم چولاق قیچلارینا، کور گوزونه

توتدو شیطان یاخاسین وئردی سئوال 

نه سبب دندی دنن سنده بو حال ؟

نه اولوب دیر ده گوروم سن ،گوزونه؟
 
بیرده کی بو حرکت سیز دیزینه؟ 

 دئدی کافر بولار الله ایشی دی 

همی قادیر همی رحمان کیشی دی
 
راضییام من تاری نین حکمتینه 

هر قدر ده بئله دوشسم چتینه 

نقمتی اولسادا بیر نعمت دی 

اجرین البت صاباحا جنت دی 

دئدی شیطان یارادیب تانری سنی
 
نه اوچون سن داشا توتدون به منی ؟

منه بس سن نییه توکدون آجی نی؟
 
هاردا توتدوم آنانی، یا باجی نی ؟

بیری دیلدن سالیب او وار یوخونو

ده ندن چکمه لی یم من پوخونو؟

ایتیریب سن باشینا داش سالانی 

بالا ساغلاملیغی سندن آلانی

کعبه دیر باخ اورا اللهین ائوی 

سنی بو درده سالان شاهین ائوی 

دورما گئت تئز آچارام ایش باشینا
 
هم اوزونده تاپارام یئر داشینا

ائدرم نکوارینی  قول اوزومه
 
بیرده گر بوردا گوروکسن گوزومه


عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 26 فروردین 1396 :: نويسنده : فتح اله پناهی عربلی
+0 به یه ن
مومن یوخوسو 

هئچ بیلیرسیز یوخو مومنده عبادت ساییلیر؟

اویاتان واختادا محرابدا ناماز سانکی قیلیر؟ 

چون اویاق اولدو او بیچاره دوشور مین گومانا 

آپاریر اختلاسا ال،او زامان کی آییلیر

صیغه نین وار ثاوابی  سویله ییب آختارمادادی

احتیاج دان نئچه اینسان باشینا بورک قویولور

گوز یومولمور گورور او هرکسی  بوهتان دانیشیر 

بیر گوناهسیز آبیری بارماغا حاقسیز اویولور

وئریر البت یالانی باشلاری بیربیر گودازا

گورور اشکنجه ناحاقدان دریسی لاب سویولور

آخی شیطان نئجه آلدادسین ائوینده یاتانی؟

چون یاتانلاردا یاتیر هوشدا، عاغیل دا، باییلیر

یاتسا راحت دی بو اولکه همی مومن اوزوده 

چونکی هر گوردوگو ایش جومله جهانه یاییلیر

یات قازان جنتی سن منده چالیم لای لایی نی 

بو عبادت ده اینان  بیرجه گوناهین یویولور

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 26 فروردین 1396 :: نويسنده : فتح اله پناهی عربلی
+0 به یه ن
شورالیقدا 

خدمت عشقی بورویوب میللتی شورالیقدا 

هامیسی باخ دوشونور خدمتی شورالیقدا
 
اوتوز ایکی میللتی تمثیل ائدیللر بوردا

وار بوتون طایفالارین شرکتی شورالیقدا 

حشمیله، خدمیله حوضورون چکدی اوزه

نئینه سین چونکی تاپیر شهرتی شورالیقدا

قیلیر حئیران هامینی وعده سی تبلیغ زامانی 

خوشدور  هر بیر آدایین صوحبتی شورالیقدا 

کورپولر سالدیریر او بلکه  تیخاجدان قوتاراق

گتیریر شهریمیزه جننتی شورالیقدا

دوزدو اوولده بیرآز شام ناهاری خرج گوتورور
 
چونکی پایلار دوگونو هم اتی شورالیقدا 

موز وئریر شیرنی وئریر هرگون ائوینده تن تن  

چون وئریر سئچگی یه بو زینتی شورالیقدا 

چیخسا هر نحو ایله صاندیقدان آدی بیر شخصین

یئترینجه تاپیر او ثروتی شورالیقدا 

یاییلیر مملکته  هئی آدی دیللرده گزیر

قازانیر هم واری هم حورمتی شورالیقدا

اوز ائوین قالدیریر اوول دره لردن تپه یه
 
چون خیالیندا تاپیر عززتی شورالیقدا 

یادا سالماز کی اونو غالب ائدن او دره دی 

ایتیریر گور نئجه اونسیتی شورالیقدا

ائییلردی ایکی قات هرکسی گورجک سالاما 

اولدو شورا دئییشیر خصلتی شورالیقدا

وئردیی وعده لری هئچ یئتیریلمیر یئرینه  

آرتیریر خالقا  بیرآز موحنتی شورالیقدا

هر بیر امضاسی بیلین اوزه ل تبرریک ساییلیر

نئچه میلیونلار اولور قیمتی شورالیقدا

اوزونه اویغون اولان شهردار تاپیب گتیریر 

باسیر او بوینوموزا میننتی شورالیقدا 

شهرین آبادلیقینا ذرره قدر تدبیری یوخ 

چونکی یئر بولمه ده دیر دیققتی شورالیقدا

محله لرده یئنه آشغال یئنه جوب داشما قالیر
 
سوز وئریر حل اولاجاق نوبتی شورالیقدا

بو چاتیشمازلیغا یکسر اونو سوچلوتوتما

قاییدیر میللته بیر قیسمتی شورالیقدا 

سئچیریک بیز گوزو باغلی قولاغی کار قارداش

بئله الدن وئریریک فرصتی شورالیقدا 

باخمیریق تجربه،تحصیل وشخصیته بیز
 
چون تعصوب دو بونون علتی شورالیقدا

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 26 فروردین 1396 :: نويسنده : فتح اله پناهی عربلی
+0 به یه ن
طبیب

عشق تاثیرین علاجدا سالما دیقت دن طبیب

راضی قالماز عاشق شیدا طبابت دن طبیب

عاشقم جان بسله نیب دیر بیرجه او جانان اوچون

یوخدو قورخوم ذرره جه والله شکر، قتدن  طبیب 

مجنونام مئیلیم هرآن شیرین دوداقلاریندادی 

چکمز ال جان طوطی سی بیرآن بو عادت دن طبیب

آرتسا جانیمدا شکر اولسام بو عشقین خسته سی

عیبی یوخدور مین کره ن اولسم دیابت دن طبیب

قورخما سن تجویز قیل یار لبلرین هر وعده یه 

قوی دویونجا حظظ آلیم من بو حلاوت دن طبیب

مینجه سی سی انسولین ، هرداملاسی شهد لبین

تجربه ن عاجزدی اعجازه محبت دن طبیب

لاب ازلدن گول چیچک دن دیر علاجلار دونیادا

گول یاناق، قونجا دوداق الوان، طراوت دن طبیب

یازما متفورمین نه ده بیر بن کلامید نسخه یه 

چون یئتر بیر گون  یاشام اول سرو قامتدن طبیب

نازلی جانانین یانیندا بیر سعادت دیر اولوم 

کیم قاچار؟ منده قاچام ان خوش سعادت دن طبیب

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 26 فروردین 1396 :: نويسنده : فتح اله پناهی عربلی
+0 به یه ن
آخماقلیغیمیزدان 

هر ایسته گه ائیدیک بویون آخماقلیغیمیزدان 

قیلدی  بیزی بو ایش قویون آخماقلیغیمیزدان 

چاککیشدیق هرآن چنگه اوتا بیربیریمیزله 

ساتدیق اوروشو بیز خایین،آخماقلیغیمیزدان 

 قالدیرمادیق هئچ باخماغا دیزدن یوخاری باش 

چکدیک نئچه مین لر اویون آخماقلیغیمیزدان 

هر گون یولوموزدا بویالانمیش تله  اولدو 

چوخلوقدان ایتیردیک سایین آخماقلیغیمیزدان 

قوردون بیزه شیلتاخلیقینی دویمادیق  هئچ واخت 

اولدوق چوبانا آرخایین  آخماقلیغیمیزدان 

دیلسیز قوزولار اولدو پارام پارچا یئرینده 

بیر سالمادیق آنجاق هایین آخماقلیغیمیزدان

ال قویدوق ال اوسته هر ایشه باخدیق اوزاقدان 

گوردوک ایگیدین آخ وایین آخماقلیغیمیزدان

عومرو یئله وئردیک نئجه گور قم یوخوسوندا 

دویدوق فلکین لای لایین آخماقلیغیمیزدان

عربلی




گؤنده ر 100 درجه کلوب دات کام گؤنده ر
بؤلوم : وطن
شنبه 26 فروردین 1396 :: نويسنده : فتح اله پناهی عربلی
+0 به یه ن
آخماقلیغیمیزدان 

هر ایسته گه ائیدیک بویون آخماقلیغیمیزدان 

قیلدی  بیزی بو ایش قویون آخماقلیغیمیزدان 

چاککیشدیق هرآن چنگه اوتا بیربیریمیزله 

ساتدیق اوروشو بیز خایین،آخماقلیغیمیزدان 

 قالدیرمادیق هئچ باخماغا دیزدن یوخاری باش 

چکدیک نئچه مین لر اویون آخماقلیغیمیزدان 

هر گون یولوموزدا بویالانمیش تله  اولدو 

چوخلوقدان ایتیردیک سایین آخماقلیغیمیزدان 

قوردون بیزه شیلتاخلیقینی دویمادیق  هئچ واخت 

اولدوق چوبانا آرخایین  آخماقلیغیمیزدان 

دیلسیز قوزولار اولدو پارام پارچا یئرینده 

بیر سالمادیق آنجاق هایین آخماقلیغیمیزدان

ال قویدوق ال اوسته هر ایشه باخدیق اوزاقدان 

گوردوک ایگیدین آخ وایین آخماقلیغیمیزدان

عومرو یئله وئردیک نئجه گور قم یوخوسوندا 

دویدوق فلکین لای لایین آخماقلیغیمیزدان

عربلی




گؤنده ر 100 درجه کلوب دات کام گؤنده ر
بؤلوم : وطن
چهارشنبه 16 فروردین 1396 :: نويسنده : فتح اله پناهی عربلی
+0 به یه ن
باجاریرام یاشاماغی 


یاتمامیشام مییت کیمی

 دونیایا لاقیید کیمی 

من دئییلم  سید کیمی 

باجاریرام یاشاماغی 


بو دونیانین گوزللری

آل یاناخ قارا تئللری 

اللریمده ده دی اللری 

باجاریرام یاشاماغی 


باخما جیریخ پالتاریما 

وار دولت دئییل کاریما 

راضی اولوب بو دوروما 

باجاریرام یاشاماغی 


ایاغیمین چوستو واردی 

آلتی یوخسا اوستو واردی 

چون یئریمک پستی واردی ؛

باجاریرام یاشاماغی 


نامرده گوز تیکمه میشم 

اونونده دیز چوکمه میشم 

بئله دردی چکمه میشم 

باجاریرام یاشاماغی 


آدلی سانلی ائلیمده وار 

دانیشماغا دیلیمده وار

هله فرصت الیمده وار 

باجاریرام یاشاماغی


اله سانماکی وارسیزام 

قالمیشام دالی کارسیزام 

یادا حایاتدا عارسیزیام 

باجاریرام یاشاماغی 


 توکنمز بیر واریم قلم 

آدیم، اعتباریم قلم 

بیر ایستکلی یاریم قلم 

باجاریرام یاشاماغی 


عربلی




گؤنده ر 100 درجه کلوب دات کام گؤنده ر
بؤلوم : وطن
یارپاق لار : 1 2 3 4 5 6 .. 13
 
   
 
Powerd By : ARZUBLOG.COM Theme Designer : MyTheme.ir