بلاقا گؤره




بؤلوم لر
یولداش لار
     
سایغاج
rss feed
عربلی
تورکجه طنز شعیرلر
آنا یارپاق       وطن       ایلگی      
جمعه 30 مهر 1395 :: نويسنده : فتح اله پناهی عربلی
+0 به یه ن
تلگرام

آی الله گور نه لر وار تلگرامدا 
هم آغلار هم گولر وار تلگرامدا 
گئجه یارسی دولانسان پی وی لرده 
عجایب فتنه لر وار تلگرامدا 
محمد امتی یکسر اویاقدی 
دین اهلی شیعه لر وار تلگرامدا 
قیلیر لارشوقیله جوت جوت عبادت 
سئویملی بنده لر وار تلگرامدا 
هامی عاشیق هامی شیدادی بوردا 
آچیلمیش دویمه لر وار تلگرامدا 
قاناد یاندیرسادا شمعین جفاسی 
جسور پروانه لر وار تلگرامدا 
یاشین معناسی یوخدو بو حضوردا 
سود امر کورپه لر وار تلگرامدا 
گئجه دوشدو ایکی دوستون داواسی 
صاباح گورنه خبر وار تلگرامدا 
اوبوندان سوز بودا اوندان یازیبدی 
نئجه بی جنبه لر وار تلگرامدا 
او گیزلی گیزلی یازماقلار بیلیندی 
نه پیس پیس طعنه لر وار تلگرامدا 
مودورلر هئی یازیر پی وی یاساقدی 
باخان یوخدو گلر وار تلگرامدا 
حاجی قوربان کسیر حاققا مناده 
صفا و مروه لر وار تلگرامدا  
یوخو یوخ صوبحه جن باخ یولدا گوزلر 
بو هیجراندان مه لر وار تلگرامدا 
قیصیر ماللار دوزولموش دسته دسته 
بوریلمیش جونگه لر تلگرامدا
آلا قارغا بویاقلا بولبول اولموش 
آخی تر غونچه لر وار تلگرامدا 
آی الله دای دئمکدن من یورولدوم 
اوزون باخ گور نه لر وار تلگرامدا



عربلی




گؤنده ر 100 درجه کلوب دات کام گؤنده ر
بؤلوم : وطن
جمعه 30 مهر 1395 :: نويسنده : فتح اله پناهی عربلی
+0 به یه ن
قاری

آی جاماعات شیطان گیریب آری یا 
ایلیشمیشم من بیر قوجا قاری یا 
بیلمیرم هئچ درده نئجه یاری یا 
بو سئودایا من  هه دییم دئمه ییم 

قورخورام کی ائوده گله زاریا 
اوشاق کیمی بیری دالا ساریا 
بیت باساندا ساچلارینی داریا 
بو سئودایا من هه دییم دئمه ییم

اوزون یویوب چیخاردیب دی دورویا 
بربزکله اوخشادیبدی حوری یا 
بئله واختا آدام اوزون قوری یا 
بو سئودایا من هه دییم دئمه ییم

خالقا گلیر آهیل یاشدا ماریا 
جاهیل یاشدا منده بو گول سارایا 
سیز دیین کی یازیق باختی قاریا 
بو سئودایا من هه دییم دئمه ییم



عربلی




گؤنده ر 100 درجه کلوب دات کام گؤنده ر
بؤلوم : وطن
چهارشنبه 28 مهر 1395 :: نويسنده : فتح اله پناهی عربلی
+0 به یه ن
قارلی هاوا

کشکه بوقارلی هوادا 
شاختاسی اولسا یاوادا 
قاینیا شوربان تاوادا 
باخ یییه سن یاواش یاواش 

سماورین شاققیلدیا 
سوغان سویون پیققیلدیا 
قارین دویوب  نیققیلدیا
اسنییه سن یاواش یاواش 

قارباسا جومله داملاری 
کاریخدیرا آداملاری 
چیخاردیب یاددان واملاری 
برکییه سن یاواش یاواش 

باخاسان باجادان  چوله 
قار توکوله گیله گیله 
دویغولارین گله دیله 
سوز دییه سن یاواش یاواش

عربلی







گؤنده ر 100 درجه کلوب دات کام گؤنده ر
بؤلوم : وطن
چهارشنبه 28 مهر 1395 :: نويسنده : فتح اله پناهی عربلی
+0 به یه ن
گئجه لر

سن گئدندن گئجه لر صوبحه قدر سیزلاییرام 
آغلاماقدان گوزلیم سانما بیر آندا دویورام 
خیالیمدا دولانیر سان نه قدر اولسا دا تار 
او شیرین خاطیره لردن گویو اولدوزلاییرام 
هربیر اولدوز بو سماده منه مین خاطیره دی 
اودوکی شوقیله بیربیر اولاری من ساییرام 
منی وئردین نه دن ای گول بئله سنسیز گئجه یه 
اوتوروب کونج ده یالقوزلیغیما آغلاییرام

عربلی




گؤنده ر 100 درجه کلوب دات کام گؤنده ر
بؤلوم : وطن
چهارشنبه 28 مهر 1395 :: نويسنده : فتح اله پناهی عربلی
+0 به یه ن
یازیق اوشاق

عاییب بیلدیک محبتی سئوگی نی 
آخماق آخماق ائوده اوشاق یانیندا 
اکدیک اوره یینده کدورت، کینی 
مجال تاپدیق هئی دالاشاق یانیندا 

نه لر چکدی یازیق آتا ائویندن
    سئوگی درسی آلمادی مکتبیندن
تلویزیادا جیزگی گوردو او دیندن 
اولمادی خوش خوش دانیشاق یانیندا 

بویودوکجه کین اوره کده بول اولدو 
داوا، دالاش بیرجه اونا یول اولدو 
حیاتیندا هرآن قیل قال اولدو 
چون گوروب دو بیز  ویریشاق یانیندا 
 
محرم ده باشا قارا باغلادی
موللا دئدی کربلادان آغلادی 
او تر تمییز اوره یینی داغلادی 
ایش بو اولدو بیزده جوشاق یانیندا 

قملی قملی یازیق عومور سوروبدو 
او سئومه یی، عشقی هاردا گوروبدو 
یاشایش ده یامان اوزون یوروبدو 
راحات اولوب تئز بوشاماق یانیندا

عربلی




گؤنده ر 100 درجه کلوب دات کام گؤنده ر
بؤلوم : وطن
یکشنبه 25 مهر 1395 :: نويسنده : فتح اله پناهی عربلی
+0 به یه ن
بالدوز

بالدوز باشا بلادی 
سادیسمه مبتلادی 
گلین بیر سوز دیین ده 
قوللارین چیرمالادی 
ار محبت ایله سه 
خانیما جانیم سویله سه 
گلیر بالدوزا آغیر 
گول له تک باشا یاغیر 
اونون گوتورمور گوزو 
یامان اولور هرسوزو 
اری یادا سالاندا 
گلینه پالتار آلاندا 
اخلاقی چاش پاش دوشور 
باشینا یئکه داش دوشور 
زنگ ائدجک آناسینا 
گلینین قایناناسینا 
باخ اوغلونون اوینونا 
گلین مینیب بوینونا 
قالمادی جیبده واری 
یوخدو هئچ اختیاری
گونده چکیر بازارا 
توکور مالین هامارا
آنا توکور قاشقاباخ 
توتور اوغولدان سوراخ 
گوزلییر ائوه گله 
ائوه سالا ولوله 
اوغول دونور آخشاما 
دوشور آنا قوران داما 
اونو اورگه دیر یامان 
چکیر گلیندن آمان
اری بئله قوروللار 
یازیغا قان اوددوروللار 
اودا آنایا اینانیر 
اونو جانی یانان سانیر 
اوغول دا بئله چاشیر 
گدیب هئچه دالاشیر 
بالدوز اولان بیر باجی 
ائدیر حیاتی آجی




گؤنده ر 100 درجه کلوب دات کام گؤنده ر
بؤلوم : وطن
یکشنبه 25 مهر 1395 :: نويسنده : فتح اله پناهی عربلی
+0 به یه ن
چت یاساق

سالام گروپدا دوستلارا 
خانیملارا آغالارا 
قیلین بوموشکوله چارا 
شاعیره شعره حورمته 
گروپدا سون قویاق چته 

چت گروپو قاریشدیریر 
ایکی ایکی یاریشدیریر 
ساواشدیریر باریشدیریر 
گورورسن کی ایتیر پته 
گروپدا سون قویاق چته 

بیرجه بیرجه سطیر سطیر 
شاعیر ایتیر شعر ایتیر 
ایندی تاپ هاردادیر گتیریر
قالمییاق هئچ بو وضیته 
گروپدا سون قویاق چته 

حورمت ائدک بیز مودورو 
نییه دونوب اوز گتیره 
دانلاماقا تذککوره 
یازیق دوشه اذییته 
گروپدا سون قویاق چته 

شعیر گروپودور آدی 
گوجلو یازارلار بوردادی 
اینان هامیسی سوز اوستادی 
باغلی دی بیرجه هممته 
گروپدا سون قویاق چته 

ترک قیلاغ یاواش یاواش 
اولمیا بیرده اغتشاش 
هاممی سوزه باخیدی کاش 
بلکه چاتاردی شهرته 
گروپدا سون قویاق چته

عربلی




گؤنده ر 100 درجه کلوب دات کام گؤنده ر
بؤلوم : وطن
یکشنبه 25 مهر 1395 :: نويسنده : فتح اله پناهی عربلی
+0 به یه ن
بسیمدی

نئیلیرم دونیادا من اوزگه یاری 
یوردومون حایالی قیزی بسیمدی
چیرپینیر اوره ییم هئی اونا ساری
اوجئیران باخیشلی گوزو بسیمدی 

گزنده گولشنی گزنده باغی
یانی بوز بولاغلی بیر اوجا داغی
کوزه سی چینینده  اوآخشام چاغی
اداسی، عشوه سی، نازی بسیمدی 

یئل ویریب اورتوگون باشیندان سالا 
شلاله ساچلاری هاماردا قالا 
دولدوروب سویونو دوشنده یولا 
ایاغیندان قویان توزو بسیمدی

اوچرومو  یاماجی یاواش آشاندا
گودوکچی گوزلردن اوزاقلاشاندا 
محبت سینه ده جوشوب داشاندا 
دوداق دان سوزولن سوزو بسیمدی

عربلی


                       


       
          








گؤنده ر 100 درجه کلوب دات کام گؤنده ر
بؤلوم : وطن
شنبه 24 مهر 1395 :: نويسنده : فتح اله پناهی عربلی
+0 به یه ن
اوره ک سوفره سی

نازلانا نازلانا
  گلدی سئوگیلیم 
اوزیله کونلومه یازی
گتیردی 
سئوینجله کونلومده 
سریلدی بو گون 
ائلین عادتی تک 
بایرام سوفره سی 
بو سوفرایله اونو 
فرقیلی گوردوم 
اوسوفره بزه نیر 
یئددی سین ایله 
بو سوفره ده یالنیز 
بیرسین واریدی 
اوره ک بزه نمیشدی 
بیرجه اونونلا 
ساتیلمیر بازاردا 
بو سین آلینا 
اوره ک دیر بازاری 
اوره ک دیر یئری 
چونکی بو سین گوجلو 
سئوگی دی سئوگی

عربلی 








گؤنده ر 100 درجه کلوب دات کام گؤنده ر
بؤلوم : وطن
شنبه 24 مهر 1395 :: نويسنده : فتح اله پناهی عربلی
+0 به یه ن
چک ها چک دی بو دونیا 

   کیمی آه چکیر کیمی یول
 
      کیمی خط چکیر کیمی گل

کیمی مینت، کیمی خجلت  

         کیمی درد ،کیمی ناز 

            کیمی چوخ ،کیمی آز

               بو چک ها چک ده 

                  پاییما دوشن :

                    کدردن ،درد دن 

                       آجی توستودو
 
                          بو سیگارت دن



عربلی




گؤنده ر 100 درجه کلوب دات کام گؤنده ر
بؤلوم : وطن
یارپاق لار : 1 2 3
 
   
 
Powerd By : ARZUBLOG.COM Theme Designer : MyTheme.ir